Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


Саҳми собиқадорон дар тарбияи насли ҷавони милитсия

Собиқадорони мақомоти корҳои дохилӣ ҳамчун нерӯи тарбиятгар ва мактаби таҷриба дар раванди камолоти насли ҷавони милитсия ҳамеша ҳиссагузор мебошанд. Ин насли корозмудаи мақомоти корҳои дохилӣ нозукиҳои касбӣ, услуби корбарӣ ва донишу малакаи давоми солҳо ба даст омадаи худро аз ҷавонон дареғ намедоранд. Ба гуфти собиқадорон мулоқоту вохӯрӣ бо идомадиҳандагони касб имконияти муфидест барои тарбияи кадрҳои ҷавон, ки аз он собиқадорони мақомоти корҳои дохилӣ истифода мебаранд.

Ҳамингуна як мулоқоти самимии генерал-майори мустаъфии милитсия Абдуманон Ғозиев ва полковники мустаъфии милитсия Шариф Умаров бо ҳайати шахсии ШВКД дар ноҳияи Бобоҷон Ғафуров доир гашт. Нахуст сардори ШВКД дар ноҳияи Б.Ғафуров полковники милитсия Қосимзода Илҳом Обид ба аҳли нишаст меҳмононро муаррифӣ намуда, таъкид дошт, ки барои расидани сохтори мақомоти корҳои дохилӣ ба пояи имрӯзааш собиқ кормандони мақомот хизмати арзанда намудаанд. Марҳила ба марҳила ташаккулёбии мақомоти милитсия ва ҳамчун як ниҳоди бонуфуз мавқеъ пайдо кардан натиҷаи заҳмату талошҳои собиқадорони соҳа мебошад.
Сипас собиқадорон А.Ғозиев ва Ш.Умаров суханронӣ намуда насли ҷавонро пеш аз ҳама ба дӯстдории Ватан, содиқ мондан ба касб ва иҷрои босифати уҳдадориҳои хизматӣ ҳидоят намуданд.
- Бо таъсисёбии Шӯрои собиқадорони мақомоти корҳои дохилӣ мо бори дигар имкон ёфтем, ки дар баробари бохабар шудан аз ҳолу аҳволи якдигар аз фаъолияти имрӯзинаи милитсия хубтар огоҳ шавем. Ҳамчунин таҷрибаи дар мақомот андухтаамонро ба кормандони ҷавон омӯзонида дар тарбия ва камолоти касбии онҳо саҳм гирем. Қудрати тавонои мақомоти корҳои дохилӣ борҳо собит намудааст, ки дар мубориза бо ҷинояту ҷинояткорӣ ҳамеша муваффақ аст ва рисолати худро бо сарбаландӣ иҷро менамояд. Мақоли маъмули «Милитсияи ман ҳимоятгари ман» тасодуфан ба вуҷуд наомадааст. Ин натиҷаи эътимоду боварии мардум ба фаъолияти мақомоти корҳои дохилӣ мебошад. Бигзор ба таври ҳамешагӣ ҳамин тавр боқӣ монад. Мардуми сарзамин ва давлату Ҳукумат ба фаъолияти милитсия эътимод дошта бошанд, иброз дошт А.Ғозиев. Дар илова аз ҳампешагони худ даъват ба амал овард, ки кӯшиш намоянд то ин, ки чунин боварӣ боз ҳам устувортар гардад.
Тавре собиқадори милитсия Ш.Умаров қайд намуд: «Вақте милитсия дар ҷодаи худ, яъне таъмини тартиботи ҷамъиятӣ, пешгирӣ ва мубориза бо ҷинояткорӣ, ҳифзи ҳуқуқу озодиҳои шаҳрвандон ва даҳҳо дигар самтҳои фаъолият муваффақ аст, суботу оромӣ, ваҳдату ягонагӣ дар Ватани азизамон Тоҷикистони соҳибистиқлол пойдор ва манфиатҳои давлату ҷомеа ҳифз мешаванд. Собиқадорон ба нерӯи тавонои ҳар яки шумо бовар доранд. Шумо идомадиҳандаи касби пурифтихоред, ки замоне мо низ фаъолият доштем. Бо баромадан ба нафақа ҳарчанд зиндагии мо маҷрои дигар гирифт, аммо ҷисману руҳан мо ҳамеша бо милитсия будем, ҳастем ва хоҳем монд. Ва баҳри таъмини амнияту субот ва гул-гулшукуфии Ватани маҳбубамон Тоҷикистон қувваи худро дареғ нахоҳем дошт».

Дар ҷараёни мулоқот собиқадорон хотираҳои худро ба ҷавонон нақл намуда бо овардани мисолҳои воқеӣ аз фаъолияти хизматӣ, чигуна кушодани гиреҳи ҷиноятҳои вазнин, натиҷабахш амалигардонии фаъолияти оперативӣ-ҷустуҷӯӣ ва дигар самтҳои милитсия дастур доданд.
Суҳбат бо нафароне, ки ҳамаи пайроҳаҳои касбиро гузашта бо муваффақият ба халқу Ватан хизмат кардаанд, ба иштирокчиёни чорабинӣ нерӯи тоза бахшид.
Акбар Шарифов, капитани милитсия 


You have no rights to post comments



Рӯйдодҳо

  • Ошкор шудани дуздии 1-сар чорвои калони шохдор ва 1-адад телевизор

    Ба ШВКД дар ноҳияи Ёвон бо ариза ҷавони 24-солаи сокини ....

    29.05.2020 08:41
  • Ошкор шудани кирдори қаллобӣ

    Ба ШВКД-2 дар ноҳияи Шоҳмансур бо ариза марди 54-солаи сокини ....

    28.05.2020 09:30
  • Рух додани садамаи нақлиётии марговар дар ноҳияҳои Ёвон ва Шоҳмансур

    Рӯзи 26-уми майи соли 2020, тахминан соатҳои 19:20-дақиқа, ронандаи автомашинаи ....

    28.05.2020 09:29
  • Ҳаракатҳои таҳқиромез ва майдаавбошонаи ронандаи ширкати «Olu4a Taxi» нисбати як ....

     Санаи 22-юми майи соли ҷорӣ як нафар ҷавондухтар, сокини шаҳри ....

    28.05.2020 08:44
  • Тадбирҳо ҷиҳати пешгирӣ ва мубориза бар зидди бемориҳои сироятӣ

    Имрӯзҳо тадбирҳо дар роҳи пешгирӣ ва мубориза бар зидди бемории ....

    28.05.2020 08:36
  • Қасдан расонидани зарари вазнин ба саломатӣ, ки боиси марг гардидааст ....

    Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия ноболиғи ....

    27.05.2020 11:56
  • Бо корд захмӣ намудани ҳамзист аз ҷониби ҷавонзани 19-сола

    Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавонзани ....

    27.05.2020 11:55
  • Ошкор шудани дуздии 5-сар чорвои калони шохдор

    Ба ШВКД дар ноҳияи Восеъ бо ариза марди 57-солаи сокини ....

    27.05.2020 11:53
  • Муносибати бераҳмона нисбати хурдсолон беҷазо намемонад!

    Баъди тавассути алоқаи "Хабарнигори фаврӣ"-и ВКД ба милитсия дастрас гардидани ....

    27.05.2020 11:33
  • Иштироки фаъолонаи оташнишонон дар чорабиниҳои зиддивирусӣ

    Дар чорабиниҳои зиддиэпидемикию санитарӣ, ки ба хотири ҳифзи шаҳрвандон аз ....

    27.05.2020 11:18
  • 

    Гӯшаи эълон ва озмунҳо

  • ТАВАҶҶУҲ!!!

    Ба ҳамаи кормандони мақомоти корҳои дохилӣ расонида мешавад, ки ҳангоми ....

    02.05.2020 17:50
  • Эълон!

    Шуъбаи махсуси карантинии милитсияи Вазорати корҳои дохилии Ҷумҳурии Тоҷикистон омодааст, ....

    20.04.2020 11:13
  • Эълон барои қабули мутахассисони соҳавӣ

    Раёсати ташхисӣ (эксперт) - криминалистии Вазорати корҳои дохилии Ҷумҳурии Тоҷикистон ....

    17.04.2020 13:16
  • 

    Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

    Qonuni

    © 2020 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика