Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


Машғулияти хизматӣ вобаста ба суханронии Пешвои миллат дар мавзӯи “Муқовимат бо терроризм ва ифротгароии хушунатомез”

244

11 майи соли 2018 дар толори Вазорати корҳои дохилӣ машғулияти хизматӣ вобаста ба суханронии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Конфронси байналмилалии сатҳи баланд дар мавзӯи “Муқовимат бо терроризм ва ифротгароии хушунатомез” бо иштироки муовини сардори Раёсати кадрҳо ва кор бо ҳайати шахсии ВКД полковники милитсия Шарифзода Хушвахт, сардори кафедраи фанҳои давлатӣ-ҳуқуқии факултети №2 Академияи Вазорати корҳои дохилӣ, н.и.ҳ., подполковники милитсия Сафаров Ҳаётҷон ва ҳайати шахсии Дастгоҳи марказии Вазорат баргузор гардид.

246

Ҳайати шахсии Вазорати корҳои дохилӣ суханронии Пешвои миллатро дар Конфронси байналмилалии сатҳи баланд дар мавзӯи “Муқовимат бо терроризм ва ифротгароии хушунатомез”, ки рӯзи 4 майи соли 2018 дар шаҳри Душанбе баргузор гардид, сараввал тариқи телевизион дастаҷамъона тамошо намуданд.
Сипас, сардори Раёсати кадрҳо ва кор бо ҳайати шахсии ВКД полковники милитсия Шарифзода Хушвахт моҳияти баромади Президенти кишварро дар конфронси мазкур шарҳу эзоҳ дод.

245

Ҳамчунин, сардори кафедраи фанҳои давлатӣ-ҳуқуқии факултети №2 Академияи Вазорати корҳои дохилӣ, н.и.ҳ., подполковники милитсия Сафаров Ҳаётҷон баромад намуда, муҳтавои суханронии Сарвари давлатро дар конфронси мазкур ба таври возеҳ ба кормандони милитсия фаҳмонида дод.
Зикр гардид, ки Пешвои миллати тоҷикон дар баромади худ таҳдиду хатарҳои терроризму экстремизмро бори дигар ба ҷаҳониён таъкид дошта, ҳамбастагӣ ва ҳамкории муштаракро дар мубориза бар зидди терроризм ва ифротгароии хушунатомез муҳим арзёбӣ намуданд.
Тавре Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иброз доштанд: «Имрӯзҳо дар гӯшаҳои гуногуни сайёра миллионҳо нафар одамон гирифтори хавфу таҳдид ва оташи ҷангу низоъҳо гардидаанд ва зуҳуроти терроризму ифротгароӣ ба хатари бесобиқаи ҷаҳонӣ табдил ёфта, оқибатҳои фоҷеабору дарозмуддати ҷамъиятиву сиёсӣ ва маънавиро ба бор меорад.
Дар зарфи солҳои охир зиёда аз 100 мамлакати дунё ҳадафи амалҳои харобкоронаи террористон қарор гирифта, бар асари ҳамлаҳои террористӣ садҳо ҳазор нафар аҳолии осоишта ба ҳалокат расидаанд ва миллионҳо нафар макону манзили зисташонро тарк кардаанд.
Зарари ба иқтисодиёти кишварҳо расонидашуда садҳо миллиард долларро ташкил медиҳад.
Танҳо дар қаламрави Афғонистон соли гузашта бар асари ҷангу амалҳои террористӣ беш аз 10 ҳазор нафар аҳолии осоишта зарар дида, тақрибан 4 ҳазор нафар қурбон шудаанд.
Сию ду фоизи қурбониён ва 53 фоизи маҷрӯҳонро занону кӯдакон ташкил додаанд.
Пӯшида нест, ки дар чунин вазъият кишварҳои дунё дар танҳоӣ наметавонанд дар муқовимат бо хавфу таҳдидҳои афзояндаи амнияту осоиш комёб гарданд ва сулҳу суботро таъмин намоянд.

247

Аз ин лиҳоз, бо дарназардошти воқеияти мавҷуда, мо дар сатҳи минтақа ва ҷаҳон пурзӯр кардани ҳамкориву шарикиро барои таъмини суботу амнияти фарогир тавассути андешидани иқдомҳои муштарак дар ҷодаи мубориза бо терроризму ифротгароӣ ва аз байн бурдани омилҳои дастгирии сиёсӣ, низомӣ ва молиявии онҳо ҳамчун самти амалии раҳоӣ аз ин вартаи хатарнок муҳим арзёбӣ мекунем.
Яке аз омилҳои густариш ёфтани ифротгароӣ ва терроризм ин аз ҷониби ташкилотҳои террористӣ васеъ истифода гардидани технологияҳои муосири иттилоотӣ, бахусус, шабакаи интернет бо мақсади пешбурди ташвиқоти экстремистӣ, ба сафҳои худ ҷалб намудани аъзои нав, омода ва роҳбарӣ намудан ба амалҳои харобкоронаи онҳо маҳсуб меёбад.
Аз ин лиҳоз, тақвияти ҳамкориҳои байналмилалӣ ва минтақавӣ, аз ҷумла мубодилаи иттилоот дар бораи тарзу усулҳои муассири пайгирӣ намудани чунин сомонаҳо, аз шабакаи интернет хориҷ намудани онҳо ва расонидани кумаки байниҳамдигарӣ дар ин самт шарти муҳимми комёбӣ дар мубориза бо кибертерроризм мебошад.
Гардиши ғайриқонунии маводи мухаддир, ки яке аз сарчашмаҳои асосии маблағгузории терроризму ифротгароӣ маҳсуб меёбад, аз ҷумлаи мушкилоти умдаи ҷаҳонӣ ба шумор меравад.
Мубориза алайҳи он аз ҷониби ҷомеаи байналмилалӣ андешидани чораҳои бетаъхир ва роҳандозии тадбирҳои муштаракро бо истифода аз тамоми роҳу воситаҳо талаб менамояд.
Тақвияти ҳамоҳангӣ ва расонидани кумак ба кишварҳое, ки дар сари роҳи маводи мухаддир қарор доранд, амри зарурӣ ва тақозои замон аст.
Тоҷикистон бо дарки амиқи ин хатари глобалӣ тайи солҳои тӯлонӣ тамоми кӯшиши худро ба мубориза алайҳи гардиши ғайриқонунии маводи мухаддир равона мекунад.
Дар давраи пас аз соли 1994 то имрӯз аз тарафи мақомоти ҳифзи ҳуқуқ ва сохторҳои низомии кишвар беш аз 120 тонна маводи нашъаовар мусодира гардидааст.
Ҷумҳурии Тоҷикистон Стратегияи миллии мубориза бар зидди гардиши ғайриқонунии маводи мухаддирро таҳия ва қабул намудааст, ки хусусияти пешгирикунанда дошта, барномаи амал ва самтҳои ҳамкориро дар заминаи муносиботи дуҷониба, минтақавӣ ва бисёрҷониба дар бар мегирад.
Стратегияи мазкур, бо дарназардошти ҳамбастагии зичи гардиши ғайриқонунии маводи мухаддир бо терроризму ифротгароӣ ва тундгароӣ, дар айни замон ба бартараф намудани омилҳои ин зуҳурот дар ҷомеа равона шудааст».
Мавриди қайд аст, ки чунин машғулияти хизматӣ дар тамоми ҷузъу томҳои мақомоти корҳои дохилӣ баргузор гардида, кормандони милитсия суханронии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Конфронси байналмилалии сатҳи баланд дар мавзӯи “Муқовимат бо терроризм ва ифротгароии хушунатомез”-ро мавриди омӯзиш қарор доданд.
Гул Маҳбуба, подполковники милитсия.

 


You have no rights to post comments



Рӯйдодҳо

  • Боздошти ҷавони 24-сола бо гумони дуздии ду сар чорвои калони ....

    Ба ШВКД дар ноҳияи Кӯшониён бо ариза ҷавони 22-солаи сокини ....

    18.09.2020 10:06
  • Ошкор гардидани кирдорҳои қаллобӣ

    Ба ШВКД дар ноҳияи И.Сомонӣ бо ариза марди 40-солаи сокини ....

    18.09.2020 10:05
  • Ба ҳалокат расидани мусофир ва пиёдагарди хурдсол дар садамаҳои нақлиётӣ

    Рӯзи 16-уми сентябри соли 2020, тахминан соати 23:00, ронандаи дучархасавори ....

    18.09.2020 10:03
  • Ошкор гардидани ҷиноятҳои дуздӣ

    Ба ШВКД-2 дар ноҳияи Сино бо ариза ҷавони 20-солаи сокини ....

    17.09.2020 09:22
  • Пахши пиёдагард аз ҷониби ронандаи «Опел-Зафира»

    Рӯзи 15-уми сентябри соли 2020, тахминан соатҳои 20:55-дақиқа, ронандаи автомашинаи ....

    17.09.2020 09:20
  • Ба роҳ мондани корҳои фаҳмондадиҳӣ-маърифатӣ

    Чорабиниҳои муштараки Вазорати корҳои дохилӣ ва Вазорати маориф ва илм ....

    16.09.2020 13:52
  • Боздошти ҷавони 23-сола барои тасарруфи зиёда аз 7 ҳазор сомонӣ

    Ҳангоми гузаронидани чорабиниҳои оперативӣ ҷустуҷӯӣ аз ҷониби кормандони милитсия ҷавони ....

    16.09.2020 09:39
  • Ошкор гардидани дуздии телефони мобилӣ

    Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия ноболиғи ....

    16.09.2020 09:37
  • Ошкор гардидани кирдорҳои қаллобӣ

    Ба ШВКД-1 дар ноҳияи Фирдавсӣ бо ариза зани 66-солаи сокини ....

    16.09.2020 09:35
  • Тақвият ёфтани ҳамкории ҷавонон бо мақомоти корҳои дохилӣ

    Санаи 14-уми сентябри соли 2020, дар саҳни Шуъбаи Вазорати корҳои ....

    15.09.2020 15:02
  • 

    Гӯшаи эълон ва озмунҳо

  • Озмун барои таҳсил дар Федератсияи Россия

    Вазорати корҳои дохилии Ҷумҳурии Тоҷикистон қабули довталабонро баъди синфи 11 ....

    04.09.2020 10:09
  • Эълон: Омӯзиши фанҳои дақиқ

    Маркази таълимии «Баҳодур» ҷиҳати иҷрои дастуру супоришҳои Асосгузори сулҳу ваҳдати ....

    11.08.2020 11:33
  • Диққат! Амалиёти «Бачаҳо»

    Раёсати БДА ВКД Ҷумҳурии Тоҷикистон ба диққати ҳамаи иштирокчиёни ҳаракат ....

    11.08.2020 11:29
  • 

    Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

    Qonun1

    © 2020 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика