Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Тақвият ёфтани ҳамкорӣ бо ҷомеаи шаҳрвандӣ

335

Дар толори Шуъбаи Вазорати корҳои дохилии Ҷумҳурии Тоҷикистон дар шаҳри Бохтар вохӯрии сардори Раёсати ВКД дар вилояти Хатлон генерал-майори милитсия Солеҳзода Искандар бо аҳли ҷамоатчии шаҳри мазкур баргузор гардид.
Дар вохӯрӣ кормандони милитсия, роҳбарони корхонаҳо, ташкилоту муассисаҳо, раисони маҳаллаҳо, ходимони дин, омӯзгорони мактабҳои таҳсилоти миёнаи умумӣ ва ҷавонони фаъоли шаҳри Бохтар иштирок доштанд.
Зимни суханронӣ сардори РВКД дар вилояти Хатлон генерал-майори милитсия Солеҳзода Искандар оид ба масоили мубраму доғи ҷомеа, аз ҷумла, масъалаҳои таълиму тарбияи ноболиғон, наврасону ҷавонон, саҳми ҷавонон дар рушди ҷомеа, гузаронидани корҳои фаҳмондадиҳӣ дар байни мардум доир ба авзои сиёсию иқтисодии ҷомеа, мубориза бар зидди маводи мухаддиру нашъамандӣ, пешгирии амалу кирдори номатлуб, муноқишаҳову авбошӣ дар байни ноболиғону ҷавонон, пешгирии шомилшавии ҷавонон ба ҳизбу ҳаракатҳои ғайриқонунии террористию экстремистӣ, ҳамкории кормандони мақомоти корҳои дохилӣ бо ҷомеа изҳори андеша намуд.
Таъкид гардид, ки риояи Қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва «Дар бораи танзими анъана ва ҷашну маросимҳо дар Ҷумҳурии Тоҷикистон» таҳти назорат гирифта шуда, дар ин самт корҳои фаҳмондадиҳӣ бо аҳолӣ боз ҳам рушду густариш меёбанд.

336337338

Чанд нафар аз омӯзгорон, эмомхатибон, раисони маҳаллаҳо ба сухан баромада, кору фаъолияти кормандони милитсияро дар шаҳри Бохтар қобили қабул арзёбӣ намуда, иброз доштанд, ки бо саъю кӯшиши кормандони милитсия ва ҳамкории зич бо аҳолӣ метавон пеши роҳи садҳо ҳуқуқвайронкуниву ҷиноятҳоро гирифта, фазои сулҳу амнияти кишварро поянда нигаҳ дошт.
Сардори Раёсати ВКД дар вилояти Хатлон генерал-майори милитсия Солеҳзода Искандар ҷиҳати риояи ҳифзи ҳуқуқҳои инсон ва шаҳрванд, волоияти қонун, пешгирии амалҳои ғайриқонунӣ, муносибату муоширати хуб бо мардум ва робитаи зич бо ҷомеаи шаҳрвандӣ ба масъулин дастуру супоришҳои мушаххас дода, аҳли ҷамоатчигиро ба ҳамкорӣ бо кормандони мақомоти ҳифзи ҳуқуқ даъват намуд.
Аз ҷониби ширкаткунандагон чунин вохӯрии судманд бо кормандони милитсия, ки ба хотири сарҷамъии мардум, ваҳдату ягонагӣ ва таъмини амнияту оромӣ доир карда мешавад, хуш пазируфта шуд.
Офоқ Қодириён


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика