Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


Донишҳои замонавӣ барои беҳтар намудани ҳамкории мақомоти корҳои дохилӣ бо ҷомеа

688

Бо ташаббуси ВКД Ҷумҳурии Тоҷикистон ва Дафтари Барномаҳои САҲА дар Душанбе рӯзҳои 26-28-уми октябр бо аъзоёни Шӯроҳои ҷамъиятӣ оид ба мусоидати ҷомеаи шаҳрвандӣ ба ислоҳоти милитсияи назди ВКД Ҷумҳурии Тоҷикистон ва РВКД дар шаҳри Душанбе ва рӯзҳои 29-31-уми октябри соли 2018 бо аъзоёни Шӯроҳои ҷамъиятӣ оид ба мусоидати ҷомеаи шаҳрвандӣ ба ислоҳоти милитсияи назди РВКД дар вилояти Хатлон ва ёварони сардорони ин раёсатҳо оид ба ҳамкорӣ бо ҷомеа, созмонҳо ва ташкилотҳои ҷамъиятӣ машғулиятҳои назариявӣ ва амалӣ гузаронида шуданд. 

Дар рафти машғулиятҳо мавзӯъҳои рӯзмара оид ба рафти амалисозии Барномаи ислоҳоти милитсияи Ҷумҳурии Тоҷикистон, фаъолияти Шӯроҳои ҷамъиятӣ, вазифа ва уҳдадориҳои аъзоёни Шӯрои ҷамъиятӣ, Кодекси рафтори аъзоёни Шӯрои ҷамъиятӣ, роҳҳои баланд бардоштани сатҳи огоҳии аҳолӣ аз фаъолияти Шӯрои ҷамъиятӣ, шаклҳои ҳамкорӣ бо ҷомеа ва созмонҳои ҷамъиятӣ, ҳисоботҳои нозирони минтақавии милитсия чун яке аз усулҳои баландбардории нақши Шӯроҳои ҷамъиятӣ дар ташкили ҳамкории милитсия бо ҷомеа, фалсафаи «Ҳамкории милитсия бо ҷомеа», усулҳои муайян намудани мушкилотҳои афзалиятнок дар ҳамкорӣ бо ҷомеа омӯзонида шуданд.
Машғулиятҳо дар истироҳатгоҳи «Явроз», ки дар дараи зебои Ромит дар ноҳияи Ваҳдат ҷойгир аст ва истироҳатгоҳи «Пули сангин»-и шаҳри Норак, ки дар соҳили дарёи Вахш ҷойгир мебошад, гузаронида шуданд, ки ба иштирокчиён машғулиятҳо ва тамошои манзараҳои ин истироҳатгоҳҳо, ки ҳамчун ҷойҳои зебоманзараи диёрамон ба шумор мераванд, ба онҳо таассуроти фаромӯшнашуданӣ гузоштааст.
Баргузории чунин машғулиятҳо, ки дар онҳо наздики 50 нафар ҷалб гардида буданд, барои баланд бардоштани малакаю маҳорати касбӣ ва мубодилаи таҷрибаи аъзоёни Шӯроҳои ҷамъиятӣ, кормандони милитсия ва таблиғи ҳамкории мутақобилаи ҷомеа ва мақомоти корҳои дохилӣ равона шудааст.
Бояд махсус қайд карда шавад, ки бо мақсади мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон ва раёсатҳои минтақавии он дар вилоятҳои Суғд, Хатлон, ВМКБ, шаҳри Душанбе, Қисми минтақавӣ оид ба гурӯҳи ноҳияҳои Кӯлоб, минтақа ва ноҳияи Рашт шӯроҳои ҷамъиятӣ таъсис дода шудааст. Ин шӯроҳо мақомоти ҷамъиятии машваратӣ - мушоҳидавӣ буда, дар асоси низомномаи худ фаъолият доранд.
Шӯрои ҷамъиятӣ дар асоси иштироки ихтиёрии шаҳрвандони ҷумҳурӣ, намояндагони иттиҳодияҳои ҷамъиятӣ, аз ҷумла созмонҳои ҷамъиятии ҳимояи ҳуқуқ, илмӣ, эҷодӣ, бо мақсади ҳифзи манфиатҳои ҷамъиятӣ таъсис дода шудааст. Он ҳамкории ҷомеа ва милитсияро дар коркарди самтҳои асосии сиёсати давлатӣ дар соҳаи таъмини тартиботи ҷамъиятӣ ва масъалаҳое, ки ба ҳамкории милитсия ва ҷомеа, дар ҳаёт татбиқ намудани принсипи дастрасӣ ва ошкорбаёнии фаъолияти милитсия, ҳимояи ҳуқуқу озодиҳои инсон ва шаҳрвандон вобастагӣ доранд, таъмин менамояд.

690

Шӯрои мазкур вазъи криминогенӣ, сатҳи ҷинояткорӣ ва усулу воситаҳои ҳифзи тартиботи ҷамъиятӣ ва таъмини амнияти ҷамъиятиро омӯхта, ҷиҳати мукаммалсозии фаъолияти воҳидҳои сохтории мақомоти корҳои дохилӣ ба роҳбарияти он таклифу пешниҳодҳо манзур менамояд ва ҳамчун мақомоти ҷамъиятӣ фаъолияти худро дар асоси ташаббуси ҷомеа пеш мебарад. Аъзои Шӯрои ҷамъиятӣ фаъолияти худро дар доираи талаботи «Кодекси одоби аъзои Шӯрои ҷамъиятӣ» ба роҳ монда, дар рӯҳияи эҳтиром, боварӣ, поквиҷдонӣ, инсондӯстӣ ва хайрхоҳӣ амал мекунад.
Зиёд кардани эътимоди аҳолӣ ба системаи ҳифзи ҳуқуқ, наздик намудани фаъолияти кормандони мақомоти корҳои дохилӣ бо аҳолӣ, тақвият додани мақоми иттиҳодияҳои ҷамъиятӣ ва васоити ахбори омма, расондани ёрии машваратӣ, методӣ ва дигар намуди дастгириҳо ба фаъолияти мақомоти корҳои дохилӣ аз вазифаҳои муҳимтарини шӯроҳои ҷамъиятист. Ин ниҳод метавонад намояндагони васоити ахбори оммаро бо мақсади холисона ва ҳамаҷониба пешкаш намудани ахбор ба аҳолӣ ҷалб намояд.
Тавассути роҳбарии Шӯроҳои ҷамъиятӣ сокинони ин ё он маҳал якҷо бо кормандони мақомоти корҳои дохилӣ, хусусан бахшҳои ҳифзи тартиботи ҷамъиятӣ, нозирони минтақавӣ ва кормандони хадамоти пешгирии ҳуқуқвайронкунӣ дар байни ноболиғон ва ҷавонон фаъолият намуда, аз хатару таҳдидҳои мавҷуда ҳамдигарро хабардор намуда истодаанд.

689

Ҳадафи асосии ислоҳоти милитсия ин аст, ки аҳолӣ бевосита дар раванди демократисозии ҷомеа, ислоҳоти милитсия, пешгирии ҷинояткорӣ, ҳуқуқвайронкуниҳо ва баланд бардоштани маърифатнокии ҳуқуқӣ иштирок намуда, дар пешгирии ҳаракату ҳизбҳои экстремистиву динӣ, рафторҳои бадахлоқона ва кирдорҳои ношоиста, таъмини тартиботи ҷамъиятӣ дар муассисаҳои таҳсилоти олӣ ва миёна, корхона, муассисаҳо, новобаста аз шакли моликияташон, саҳми худро гузоранд. Инчунин, вобаста ба масъалаи ҷорӣ намудани шаклҳо ва усулҳои самарабахши фаъолияти якҷояи ҷомеаи шаҳрвандӣ, иттиҳодияҳои ҷамъиятӣ ва динӣ бо мақомоти корҳои дохилӣ тавсия, хулоса ва таклифу пешниҳодҳо омода намуда, дар амалисозии онҳо ширкат намоянд. Дар ин самтҳо мунтазам корҳои муайяне иҷро мешаванд, лекин ҳануз камбудиву норасоиҳо зиёд ҳастанд, ки роҳҳои бартараф намудани онҳо дар чунин машғулиятҳои омӯзишии кӯтоҳмуддат ба аъзоёни Шӯроҳои ҷамъиятӣ ва кормандони масъули милитсия зина ба зина омӯзонида мешаванд.
Ғуломов Қ.Ҷ., мушовири калони Дастгоҳи Вазири корҳои дохилӣ, полковники милитсия.




Рӯйдодҳо

  • Таваҷҷуҳи бештари кормандони милитсия ба китоб

    Таваҷҷуҳи ҳамешагии роҳбарияти ВКД ба китобу китобхонӣ рӯз то рӯз ....

    22.01.2021 15:17
  • Ошкор гардидани кирдори қаллобӣ

    Ба ШВКД-1 дар ноҳияи Шоҳмансур бо ариза мардони 49, 53 ....

    22.01.2021 11:16
  • Боздошти ноболиғи 17-сола бо гумони содир намудани ҷинояти авбошӣ

    Ба ШВКД-1 дар ноҳияи Шоҳмансур бо ариза марди 34-солаи сокини ....

    22.01.2021 11:15
  • Баргузории машқҳои таълимӣ-дастурӣ дар РВКД вилояти Суғд

    Тибқи нақшаи тасдиқгардида ҳамасола дар ҷузу томҳои мақомоти корҳои дохилӣ ....

    21.01.2021 16:47
  • Кормандзанони ВКД ба касби худ содиқанд

    Имрӯзҳо занону духтарон дар тамоми ҷодаҳои ҳаёти ҷомеа иштироки фаъолона ....

    21.01.2021 15:06
  • Ошкор гардидани ҷинояти сохтакории ҳуҷҷатҳо

    Дар натиҷаи гузаронидани як қатор чорабиниҳои оперативӣ-ҷустуҷӯӣ аз ҷониби кормандони ....

    21.01.2021 12:12
  • Ошкор гардидани ҷиноятҳои ғоратгарӣ

    Ба ШВКД-1 дар ноҳияи Сино бо ариза марди 34-солаи сокини ....

    21.01.2021 12:05
  • Бо роҳи тақаллуб аз они худ намудани 15 ҳазор доллари ....

    Ба ШВКД дар ноҳияи И.Сомонӣ бо ариза марди 34-солаи сокини ....

    21.01.2021 12:03
  • Ба ҳалокат расидани пиёдагард дар натиҷаи ноуҳдабароии ронанда

    Рӯзи 19-уми январи соли 2021, тахминан соати 18:20-дақиқа ронандаи автомашинаи ....

    21.01.2021 12:01
  • Боздошти марди 39-сола бо гумони таҳдиди куштан

    Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия марди ....

    20.01.2021 11:29
  • 

    Гӯшаи эълон ва озмунҳо

  • Эълони варзишӣ!

    Вазорати корҳои дохилии Ҷумҳурии Тоҷикистон бо мақсади рушди варзиш, тарғибу ....

    09.01.2021 12:48
  • Баргузории озмуни "Тоҷикистон - хонаи ободи ман"

    Бо мақсади татбиқи дастуру ҳидоятҳои Асосгузори сулҳу ваҳдати миллӣ, Пешвои ....

    09.01.2021 12:27
  • Эълон

    Раёсати БДА ВКД Ҷумҳурии Тоҷикистон ба таваҷҷуҳи соҳибони воситаҳои нақлиёт ....

    21.10.2020 14:06
  • 

    Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

    Qonun

    © 2021 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика