Варзиш тарзи ҳаёти солим буда, роҳбарияти Вазорати корҳои дохилӣ ҷиҳати рушди варзиш ва дастгирии варзишгарон таваҷҷуҳи хоса дорад. Ҳамасола, чорабиниҳои гуногуни варзишӣ ташкил ва баргузор карда шуда, ба онҳо ҷавонону наврасон ва собиқадорон ҷалб карда мешаванд. Инчунин, аъзои Шӯрои ҷумҳуриявии «Динамо»-и ВКД дар сабқатҳои гуногун иштирок намуда, ғолибият ба даст меоваранд.
Рӯзи 12 ноябри соли 2023 бахшида ба Рӯзи Президенти Тоҷикистон дар шаҳри Душанбе мусобиқаи ҷумҳуриявӣ оид ба варзиши каратэ-кёкшинкай баргузор гардид.
Мусобиқаи мазкур аз ҷониби Федератсияи каратэ-кёкшинкайи кишвар бо дастгирии Кумитаи кор бо ҷавонон ва варзиши назди Ҳукумати Ҷумҳурии Тоҷикистон роҳандозӣ гардида, дар он 10 дастаи мактабҳои варзишӣ аз тамоми минтақаҳои ҷумҳурӣ, вилоятҳои Мухтори Кӯҳистони Бадахшон, Суғду Хатлон, шаҳру ноҳияҳои тобеи ҷумҳурӣ ва шаҳри Душанбе бо теъдоди беш аз 120 нафар кӯдакону наврасони варзишгар ширкат варзиданд.
Динамочиëн дар ин чорабинии варзишӣ фаъолона иштирок намуда, ба гирифтани зинаҳои ифтихорӣ ноил гардиданд. Ҳамин тавр, онҳо 3 медали тилло, 3 медали нуқра ва 2 медали биринҷиро ба даст оварданд.
Н. ҶОБИРОВ
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>
