Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Кормандони милитсия ва аъзоёни Шӯроҳои ҷамъиятӣ риояи меъёрҳои гендериро меомӯзанд

20211013 102019

13-уми октябри соли ҷорӣ тибқи супориши роҳбарияти Вазорати корҳои дохилӣ ва дар доираи Барномаи ислоҳоти милитсия барои солҳои 2021-2025 барои кормандони милитсияи Вилояти Мухтори Кӯҳистони Бадахшон ва аъзоёни Шӯроҳои ҷамъиятии назди мақомоти милитсия дар мавзӯи "Пешбурди масоили гендерӣ дар раванди ҳамкории милитсия бо ҷомеа ва муқовимат ба зӯроварӣ дар оила" семинари омӯзишӣ баргузор гардид.

Чорабинии мазкурро Ёрдамчии Ҳамоҳангсози миллӣ оид ба ислоҳоти милитсия майори милитсия Шарифзода Х. ҳусни ифтитоҳ бахшида, аз дастуру супоришоти Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Вазири корҳои дохилӣ генерал-полковники милитсия Раҳимзода Р.Ҳ. ёдоварӣ намуд. Инчунин дар суханронии худ оид ба дастовардҳои замони истиқлол, талошу заҳматҳои Президенти кишвар барои беҳтар гардонидани шароити корӣ барои кормандони милитсия ибрози ақида намуд.
Дар чорабинии мазкур устодони Академияи ВКД Абдулаҳадзода А. ва Нуриддинзода С. ба сифати тренер ҷалб карда шудаанд.
Семинари омӯзишӣ то рӯзи 15 октябр давом ёфта, он дар шаҳри Душанбе баргузор гардид ва дар назар аст, ки чорабинии мазкур дар вилоятҳои Суғду Хатлон ва минтақаи Рашт низ баргузор карда шаванд.
Гул Маҳбуба




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonun1

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика