Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрии судманд дар доираи ҳамкорӣ

296

Рӯзи 13-уми декабри соли 2019 дар Вазорати корҳои дохилӣ муовини Вазири корҳои дохилӣ генерал-майори милитсия Умарзода Икром Ислом бо намояндаи минтақавии Раёсати СММ оид ба маводи нашъаовар ва ҷинояткорӣ дар Осиёи Марказӣ Ашита Миттал вохӯрӣ доир намуд.

Дар рафти вохӯрӣ масъалаҳои рушд ва такмилдиҳии низоми муқовимат бо гардиши ғайриқонунии воситаҳои нашъадор ва дигар прекурсорҳо, инчунин ҷиноятҳое, ки хусусияти фаромиллӣ доранд, ибрози назар карда шуд. Зикр гардид, ки мубориза бо муомилоти ғайриқонунии маводи мухаддир ва моддаҳои психотропӣ, терроризм ва дигар шакли ҷиноятҳо яке аз самтҳои муҳими ҳамкории Ҷумҳурии Тоҷикистон бо Созмони Милали Муттаҳид ба ҳисоб меравад.
Ашита Миттал - намояндаи минтақавии Раёсати СММ оид ба маводи нашъаовар ва ҷинояткорӣ дар Осиёи Марказӣ иброз дошт, ки созмони мазкур дар масъалаи мубориза бо гардиши ғайриқонунии маводи мухаддир ва ҷинояткории байналмилалӣ дар ҷаҳон пешсаф буда, дар тамоми манотиқи олам тавассути шабакаҳои васеи дафтарҳои саҳроӣ фаъолиятро ба роҳ мондааст.
Дар ниҳояти вохӯрӣ ҷонибҳо омодагии хешро барои ҳамкории самаранок қайд намуда, самтҳои асосии ҳамкориҳои судманди тарафайнро барои минбаъд иброз намуданд.
Эҳсон Абдуллозода




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonuni

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика