Дар Раёсати тиббии ВКД шуъбачаи муолиҷаи физиотерапевтӣ мавриди истифода қарор дода шуд

5-уми сентябри соли 2023, Вазири корҳои дохилӣ генерал-полковники милитсия Раҳимзода Рамазон Ҳамро дар Раёсати тиббии Вазорати корҳои дохилӣ шуъбачаи муолиҷаи физиотерапевтиро мавриди истифода қарор дод.

Утоқҳои корӣ ва муолиҷавии шуъбачаи мазкур бо таҷҳизоти наву замонавии соҳавӣ, аз қабили ултра-мавҷи табобатӣ (ударно-волновая терапия), фонофарез – табобат бо усули зарбаи мавҷӣ, ташхиси ултрасадо, биомассаж - маҳси амиқи бофтаҳо, маҳси биоэнергетикӣ, лойдармонӣ бо озокерит, маҳсӣ дастӣ бо бӯғи туркӣ, барқи бернарӣ ва дигар лавозимоти корӣ таъмин мебошад.
Бояд тазаккур дод, ки дастгоҳҳои мазкур баҳри табобати бемориҳои қанд, остеохондроз, бехобӣ, невроз, ихтилоли меъдаю рӯда, набудани иштиҳо, қабзият, бавосир, хориш, бемориҳои тарбод, артрит, бемориҳои гарданаки бачадон, дарди пушт ва пойҳо, ҷароҳатҳо, осеби бофтаҳои нарм, осеби устухонҳо, чарх задани сар, фишорбаландӣ, камхунӣ ва дигар намуди зиёди бемориҳо хизмат мерасонанд.
Зимни боздид Вазири корҳои дохилӣ генерал-полковники милитсия Раҳимзода Рамазон Ҳамро масъулинро вазифадор намуд, ки барои муолиҷаву табобати беморон хизматрасонии босифат ба роҳ монда, имконоти фароҳамоварда барои таъмини солимии кормандони мақомоти корҳои дохилӣ, собиқадорон ва шаҳрвандон самаранок истифода баранд.
Гул Маҳбуба