Вохӯрӣ бо кормандони РВКД дар вилояти Хатлон

Дар толори маҷлисгоҳи Раёсати Вазорати корҳои дохилӣ дар вилояти Хатлон вохӯрии муовини якуми Вазири корҳои дохилӣ генерал-лейтенанти милитсия Аламшозода Абдураҳмон Аламшо, бо роҳбарият ва ҳайати шахсии Дастгоҳи марказии раёсат ва ҷузъу томҳои он баргузор гардид.

Аламшозода А. бо дастури Вазири корҳои дохилӣ ҷиҳати ошкор ва пешгирӣ намудани ҷинояткорӣ, ҳуқуқвайронкуниҳо, риоя намудани талаботи қоидаҳои ҳаракат дар роҳҳои автомобилгарди вилоят, инчунин пешгирии муомилоти ғайриқонунии маводи нашъаовар, шомилшавии ҷавонону наврасон ба ҳар гуна ташкилоту гурӯҳҳои ҷиноятӣ, посдории волоияти қонун ва боз ҳам тақвият бахшидани ҳамкориҳои судманд бо аҳолӣ як қатор супоришҳо дод.
Ҳамзамон таъкид гардид, ки кормандони мақомоти милитсия бо дониши баланду малакаи касбӣ, муносибату муоширати хуб бо аҳолӣ ва дарки масъулияти баланди хизматӣ муносибатро ба роҳ монда, дар мубориза бо ҷинояту ҳуқуқвайронкунӣ, ҳифзи тартиботи ҷамъиятӣ, амнияти шаҳрвандон ва ҷиҳати саҳм гузоштан ба оромиву осоиштагӣ ба давлату миллат содиқона хизмат намоянд.

Сардорони шуъбаҳо дар ҷараёни вохӯрӣ аз вазъи ҷинояткорӣ, ошкору пешгирии ҳамагуна қонуншиканиҳо, тақвият ёфтани ҳамкорӣ бо аҳолӣ ва раванди самтҳои фаъолият маълумот доданд.
Офоқ Қодириён, подполковники милитсия.