Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Маросими аввалин хатмкунандагони Коллеҷи оташнишонӣ

1395

Дар майдони сафороии Муассисаи давлатии таълимии «Коллеҷи оташнишонӣ-техникии ВКД Ҷумҳурии Тоҷикистон» рӯзи 21-уми июни соли 2021 ба муносибати хатми аввалин афсарони ҷавони он чорабинии идона баргузор гардид.
Чорабиниро муовини Вазири корҳои дохилии Ҷумҳурии Тоҷикистон генерал-майори милитсия Ҳамидзода Бароталӣ Партов ифтитоҳ намуда, иштирокчиёни ҷамъомади тантанавиро табрику таҳният гуфта, аз ҷумла иборз намуд, ки давоми солҳои соҳибистиқлолӣ таҳти сиёсати хирадмандонаи Асосгузори сулҳу ваҳдатӣ миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақому мавқеи ҷавонон дар ҷомеа ба маротиб баланд гардида, ҷалби бештари онҳо ба корҳои ҷамъиятиву идоракунӣ, саҳми ин қишри фаъоли ҷамъиятиро дар пешрафту ободии мамлакат бештар намуд. Ҳамин аст, ки имрӯз чи дар сатҳи вазорату идораҳои давлатӣ ва чи дар корҳои муҳими ҷамъиятӣ ҷавонон нақши пешбарро доранд ва дар пешрафти соҳаҳои мухталифи хоҷагии халқ ва мақомоти қудратии мамлакат, аз ҷумла дар мақомоти корҳои дохилӣ низ саҳми арзанда мегузоранд.
Сардори Сарраёсати хадамоти давлатии оташнишонӣ полковники хизмати дохилӣ Бахтиёр Умарзода низ дар баромади худ аз ҷумла қайд намуд, ки воқеан ҳам ҷавонон қувваи бузург, нерӯи созанда, симо ва ояндаи миллат мебошанд. Мояи ифтихору сарфарозии ҷавонон аст, ки имрӯз нисбат ба онҳо таваҷҷуҳу ғамхории беандоза зоҳир мегардад. Муносибати хирадмандонаи Роҳбарияти олии кишвар ба масоили гуногунҷабҳаи ҳаёти ҷавонон ва ҷалби диққати ҷомеа дар тарбияву ташаккули афкори онҳо шароит фароҳам меорад, то ки ояндасозони ҷомеа мақому манзалати худро дар зиндагӣ пайдо намоянд. Таъсис додани Муассисаи давлатии таълимии «Коллеҷи оташнишонӣ-техникӣ» бо ибтикори Вазорати корҳои дохилии Ҷумҳурии Тоҷикистон низ маҳз бо мақсади дастгирии ҷавонон ва тарбияи мутахассисони ҷавони соҳа дар ҳудуди ҷумҳурӣ мебошад.

139413961397

Директори Муассисаи давлатии таълимии «Коллеҷи оташнишонӣ-техникии ВКД Ҷумҳурии Тоҷикистон» полковники милитсия Ҳайдарзода Шомурод Ҳайдар ҳам зимни баромади хеш касби оташнишониро ҳамчун касби пурифтихору бошараф арзёби намуда, аз давраҳои гуногуни ташкилёбии хадамоти оташнишонӣ ва саҳми арзандаи кормандони он дар ҳифзи ҳаёту саломатии одамон ва моликияти хусусиву давлатӣ аз сӯхтор ёдоваршуда, афсарони ҷавонро ба давомдиҳандаи арзандаи кору фаъолияти собиқадорони хизматнишондодаи соҳа будан ҳидоят намуд.
Собиқарони соҳа ва волидайни хатмкунандагони коллеҷ низ дар баромадҳои худ вобаста ба дастгириҳои ҳамаҷонибаи Роҳбарияти Олии мамлакат, Вазорати корҳои дохилӣ ва Сарраёсати хадамоти давлатии оташнишонӣ нисбат ба ҷавонон суханронӣ намуда, ба афсарони ҷавон дар кору фаъолияти аз пеш истодаашон бурдбориҳо таманно намуда, таъкид намуданд, ки ба давлату миллати хеш содиқона хизмат намоянд.
Сипас, дар шароити тантанавӣ аз тарафи роҳбарияти ВКД ва СХДО, инчунин роҳбарияти муассисаи мазкур Дипломҳои хатми коллеҷ бо ихтисоси «Техники бехатарӣ аз сӯхтор» ба афсарони ҷавон супорида шуданд.
Хатмкунандагон пас аз маросими дипломсупорӣ бо сарфарозию хушнудӣ ва ҳисси баланди ифтихори миллӣ дар назди ҷамъомадагон тантанавор ваъда доданд, ки барои содиқона хизмат намудан ба халқу давлат ва Тоҷикистони азизи худ тамоми қувваву донишашонро сарф хоҳанд кард ва давомдиҳандаи арзандаи кору фаъолияти собиқадорони хизматнишондодаи соҳа будан ҳидоят намуданд.

1398

Бояд қайд намуд, ки бо Фармони Вазорати корҳои дохилии Ҷумҳурии Тоҷикистон ба 32 нафар аввалин хатмкунандагони Муассисаи давлатии таълимии «Коллеҷи оташнишонӣ-техникии ВКД Ҷумҳурии Тоҷикистон» рутбаи аввалини лейтенанти хизмати дохилӣ дода шудаанд ва онҳо бо роҳхати ВКД Ҷумҳурии Тоҷикистон барои кору фаъолият дар Хадамоти давлатии оташнишонии ВКД сафарбар карда мешаванд.

Кароматулло Абдуллоев, СХДО ВКД ҶТ




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

04.08

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика