Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҷаласаи корӣ ҷиҳати риояи қонуният ва интизоми хизматӣ

1375

1376

Бо ибтикори роҳбарияти Раёсати амнияти дохилии ВКД ҷиҳати риояи қонуният ва интизоми хизматӣ, ҳамзамон пешгирӣ аз ҷинояткорӣ дар байни ҳайати шахсӣ дар маҷлисгоҳи Раёсати ВКД дар вилояти Суғд бо иштироки сардори Раёсати ВКД дар вилояти Суғд генерал-майори милитсия Навҷувонов Абдулло Шанбиевич ва сардори Раёсати амнияти дохилии ВКД генерал-майори милитсия Машрабзода Ҷамшед Хол ҷаласаи таҳлилӣ-дастурӣ доир гардид. Дар кори ҷаласа сардорони шуъбаҳои ВКД, роҳбарони аввали хадамот, ҷузъу том ва сохторҳои таркибии мақомоти корҳои дохилӣ дар вилояти Суғд иштирок доштанд.
Сардори Раёсати ВКД дар вилояти Суғд генерал-майори милитсия Навҷувонов Абдулло Шанбиевич чорабиниро ифтитоҳ намуда, баргузории онро барои таъсиррасонӣ дар корҳои тарбиявӣ ва беҳтар намудани сифати фаъолият саривақтӣ ва муфид арзёбӣ кард.
Дар идома маърӯзаи таҳлилии сардори Раёсати амнияти дохилии ВКД генерал-майори милитсия Машрабзода Ҷамшед Хол оиди вазъи риояи қонуният ва интизоми хизматӣ дар байни ҳайати шахсии мақомоти корҳои дохилии вилояти Суғд шунида шуд.
Гуфта шуд, ки мақомоти корҳои дохилӣ яке аз мақомотҳои пурнуфӯз ва калидии сохтори давлатӣ аст, ки ҳар як корманди он дар тадбиқи сиёсати давлат ва меъёрҳои қонун уҳдадор мебошад. Ҷараёни пуртаззоди ҷомеаи ҷаҳонӣ, бархурди тамаддунҳо ва пайдоиши шаклҳои гуногуни ҳаракатҳои ба ҷомеа хавфнок, имрӯз аз кормандони милитсия ҳушёриву зиракӣ ва ҳамқадами замон буданро талаб менамояд.
Ба таъкиди сардори Раёсати амнияти дохилии ВКД генерал-майори милитсия Машрабзода Ҷамшед Хол корманд набояд берун аз доираи ваколати хизматӣ амалеро иҷро намояд, ки ба шаъни мақомот доғ оварад. Ташкили машғулиятҳои касбӣ дар самти риояи қонуният, дарсҳои характери тарбиявӣ дошта, омӯзонидани одоби оинномавии муошират, аз рӯи низомнома пӯшидани либоси низомӣ ва назорати риояи реҷаи корӣ ба манфиати кор хоҳад буд.

1378

Дар интиҳои ҷаласа зикр гардид, ки корманди милитсия новобаста аз самти фаъолият бояд бо ахлоқи ҳамида ва рафтору кирдор намунаи ибрати дигарон бошад. Роҳ надодан ба амалҳои ғайриқонунӣ, риояи қонуният ва интизоми хизматӣ аз ҷониби ҳайти шахсӣ бояд доимӣ таҳти назорат ва корбарии роҳбарон қарор гирад ва дар ин самт ба иштирокчиён дастурҳои методӣ дода шуд.

Акбар Шарифӣ, майори милитсия




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

04.08

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика