Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ба истифода додани бинои Хадамоти давлатии «Муҳофиза»-и Вазорати корҳои дохилии Ҷумҳурии Тоҷикистон дар вилояти Суғд

586

12 июн дар шаҳри Хуҷанд Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои маъмурии Хадамоти давлатии “Муҳофиза”-и Вазорати корҳои дохилии Ҷумҳурии Тоҷикистон дар вилояти Суғдро мавриди баҳрабардорӣ қарор доданд.

Мавриди зикр аст, ки дар гузашта бинои Хадамоти «Муҳофиза»-и ВКД дар вилояти Суғд вайрону валангор буд.

Бо дастуру ҳидояти бевоситаи Президенти мамлакат муҳтарам Эмомалӣ Раҳмон ба истиқболи сазовори 30-юмин солгарди Истиқлоли давлатии Ҷумҳурии Тоҷикистон бинои нав мутобиқ ба талаботи замони муосир аз ҳисоби маблағҳои хизматрасонии Хадамоти давлатии «Муҳофиза» дар вилояти Суғд бунёд гардида, барои кормандон шароити мусоиди фаъолият фароҳам оварда шуд.

Бинои нав аз панҷ ошёна ва таҳхона иборат буда, дорои 55 утоқи корӣ барои кормандони хадамот, аз ҷумла ҳайати роҳбарикунанда, афсарони шуъбаҳои назорати ташкилӣ, банақшагирии иқтисодӣ, кор бо ҳайати шахсӣ ва корҳои ташкили воҳидӣ ва хизмат, роҳбаладӣ, шуъбаи воситаҳои техникию муҳандисӣ ва дигар иншооти ёрирасон мебошад.

Дар китобхонаи Хадамоти давлатии «Муҳофиза» садҳо нусха китоби гуногун, аз ҷумла адабиёти бадеӣ ва илмию соҳавӣ мавҷуд мебошад. Мутобиқ ба талаботи замони муосир дар китобхона инчунин компютерҳо гузошта шудааст, ки фарогири ҳазорҳо нусха адабиёти электронӣ буда, кормандони хадамот ҳамарӯза фориғ аз кор ба мутолиаи асарҳои илмию бадеӣ ва рӯзномаю маҷаллаҳои даврӣ машғул мешаванд.

585584

Зимни шиносоии Сарвари давлат муҳтарам Эмомалӣ Раҳмон бо имконияту шароити мавҷуда маълум гардид, ки сохтмончиён бинои Хадамоти давлатии «Муҳофиза»-и Вазорати корҳои дохилии Ҷумҳурии Тоҷикистон дар вилояти Суғдро мутобиқ ба талаботи замон ва бо назардошти меъёрҳои хизмати ҳарбӣ бунёд карда, бо муосиртарин дастгоҳу таҷҳизоти соҳавӣ муҷаҳҳаз намудаанд.

Дар ин ҷо ҳамзамон таваққуфгоҳи воситаҳои нақлиёти хизматӣ, ду анбори сару либоси низомӣ, толори варзишӣ, хобгоҳ барои 15 нафар ва ошхона бо фарогирии 100 ҷойи нишаст сохта шуда, дар ҳар як ошёна утоқҳои ёрирасон, аз ҷумла нуқтаҳои шӯстушӯӣ мавҷуд аст.

Маҷлисгоҳи Хадамоти давлатии «Муҳофиза» дар вилояти Суғд 140 ҷойи нишаст дорад ва дорои ҳама гуна воситаҳои техникӣ, аз қабили монитор, дастгоҳҳои тақвияти овоз ва таҷҳизот барои гузаронидани видеоконфронсҳо мебошад, ки шароиту имконоти муҳайёгардида дар пешбурди кору фаъолияти кормандони ин сохтори низомӣ нақши басо созгор дорад.

Ҳамзамон ҷиҳати сарсабзу хуррам намудани муҳити атроф дар ҳавлии бинои маъмурии Хадамоти давлатии «Муҳофиза» дар вилояти Суғд беш аз 100 ниҳоли дарахтони ҳамешасабзу ороишӣ шинонида шудааст. Дар ин баробар аз ҳисоби маблағҳои хизматрасонии хадамоти мазкур таъмири роҳи мошингарди кӯчаи Мақсудҷон Танбӯрии шаҳри Хуҷанд низ дар масоҳати 2 ҳазор метри мураббаъ амалӣ гардид, ки дар гузашта ҳолати ногувор дошт.

582581583

Пешвои миллат муҳтарам Эмомалӣ Раҳмон ба сифати корҳои сохтмонӣ ва шароити мавҷудаи иншоот баҳои баланд дода, кормандони Хадамоти давлатии “Муҳофиза”-и Вазорати корҳои дохилии Ҷумҳурии Тоҷикистон дар вилояти Суғдро ба истифодаи самараноки имконият ва хизмати содиқона ба халқу Ватан ҳидоят намуданд.




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonuno

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика