Рӯзи 6-уми марти соли 2021 дар таваққуфгоҳи Вазорати корҳои дохилӣ бахшида ба «Рӯзи Модар» ярмарка-фурӯши маҳсулоти ниёзи аввал ташкил карда шуд.
Ин иқдоми роҳбарияти Вазорати корҳои дохилӣ нишонаи эҳтиром ба кормандзанони мақомот буда, маҳсулотҳои гуногуни озуқаворӣ, полезӣ, гуштиву ширӣ ва донагӣ бо нархи нисбатан арзон барои бонувон пешниҳод гардид.
Дар ин ярмарка маҳсулоти хӯрока аз қабили гушту биринҷ, равғану шакар, тухму орд, картошкаю пиёз, сабзавот ва дигар маҳсулоти ғизоӣ пешкаши харидорон карда шуд.
Тамоми ин маҳсулоти хӯрока аз ҳисоби хоҷагиҳои ёрирасон пешниҳод гардида, нисбат ба бозору марказҳои савдо нархи онҳо 30 фоиз арзонтар ба фурӯш гузошта шуда буд, ки ин тӯҳфаи хуб дар арафаи «Рӯзи Модар» ба шумор меравад.
Лозим ба ёдоварист, ки дар арафаи ҳама гуна ҷашну маросимҳои идона чунин ярмаркаҳо пайваста аз ҷониби роҳбарияти Вазорати корҳои дохилӣ ташкил карда шуда, шаҳодат аз дастгирӣ ва ғамхорӣ нисбати кормандони ин сохтори бонуфузи қудратӣ мебошад.
Ташкили ярмарка аз ҳама ҷиҳат барои бонувон манфиатовар буд, зеро имкон дод дар баробари сарфаи вақт аз нархи нисбат ба бозор арзон маҳсулоти озуқавориро харидорӣ намоянд.
Абдулмуъмин Зайниддинзода,
Муродалӣ Саидзода
Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>
