Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ғолибон дар намуди варзиши шиноварӣ муайян шуданд

1148

Рӯзи 15-уми ноябр дар шаҳри Хуҷанд бахшида ба Рӯзи Президенти Ҷумҳурии Тоҷикистон дар «Маҷмааи ҳавзҳои шиноварии 20 солагии Истиқлолияти Тоҷикистон» воқеъ дар шаҳри Хуҷанд мусобиқаи ҷумҳуриявӣ оид ба шиноварӣ баргузор шуд. Дар маросими ифтитоҳи ин чорабинии варзишӣ раиси Федератсияи миллии шиноварии Тоҷикистон, вазири корҳои дохилӣ генерал-полковники милитсия Раҳимзода Рамазон Ҳамро ва раиси вилояти Суғд Раҷҷаббой Аҳмадзода иштирок намуда варзишгаронро ба Рӯзи Президенти Ҷумҳурии Тоҷикистон табрику таҳният намуданд. Қайд карда шуд, ки маҳз дастгириву таваҷҷуҳи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбати рушди варзиш буд, ки имрӯз варзиш дар ватани мо рушд карда, барои ба тарзи ҳаёти солим ҷалб намудани сокинон тамоми шароити мусоид ҷиҳати беҳдошти саломатӣ ва варзиш фароҳам оварда шуд. Таъкид гардид,ки шиноварӣ намуди варзиши дустдоштаест, ки ба ин намуд шаҳрвндони касбу кори гуногун машғул ҳастанд. Дар баробари варзишгарон сокинон низ баҳри барқарорсозии саломатӣ ба иншоотҳои варзиши шиноварӣ ташриф меоранд. Бо ташаббуси Ҳукумати Ҷумҳурии Тоҷикистон махсусан Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар минтақаҳои гуногуни кишвар ҳавзҳои шиноварӣ бунёд гардида истодаанд, ки барои рушди варзиши шиноварӣ замина мегузорад.

Варзишгарон дар намудҳои тарзи озод, брасс, баттерфлей ва тарзи пуштноки шинокунӣ дар масофаи 50 метр, дар намудҳои брасс ва тарзи озод дар масофаи 100 метр, дар намуди маҷмӯавӣ дар масофаи 200 метр, эстафетаи 4х50 метра дар намудҳои брасс ва омехта малакаю маҳорти варзишӣ нишон дода беҳтаринҳо дар рафти мусобиқа муайян шуданд. Дар ҳайати даставӣ шиновар-варзишгарони ду дастаи шаҳри Душанбе бо ба даст овардани бештари ҷойҳои ифтихорӣ мақомҳои якуму дуюмро ишғол намуданд. Ҷойи сеюм насиби варзишгарони тими вилояти Суғд гардид.

114911501151115211531154

Ғолибону ҷоизадорони мусобиқа бо Ҷом, медал Ифтихорнома ва туҳфаҳои хотиравии Федератсияи миллии шиноварӣ, Мақомоти иҷроияи ҳокимияти давлатии вилояти Суғд ва Раёсати кумитаи кор бо ҷавонон ва варзиши вилояти Суғд қадрдони гардиданд.
Акбар Шарифӣ,
Абдурашид Раҳимӣ.




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonun2

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика