Табрикот

 Кӯмаки моддӣ ба кормандони милитсияи вилояти Суғд

Бо Фармони сардори Раёсати Вазорати корҳои дохилии вилояти Суғд генерал-майори милитсия Назаров Шариф Раҳмонович ба 9-нафар роҳхат ба осоишгоҳи «Баҳористон»,  50-нафар бо маблағҳои пулӣ, 14-нафар бо раҳматномаву сипосномаҳо сарфароз гардида, ба 4-нафар иштирокчиёни ҶБВ, 30-нафар оилаҳои кормандони ҳангоми адои вазифа ҳалок гардида ва 41-нафар маъюбони мақомоти корҳои дохилӣ кӯмаки моддӣ расонида шуд.

 2 нақлиёти хизматӣ ба кормандони ШВКД ш.Қайроққум

Ҳамчунин ба ин муносибат дар ШВКД ш.Қайроққум бо иштироки раиси ноҳияи мазкур чорабинӣ доир гардид. Раиси ноҳияи ш.Қайроққум кормандони милитсияро бо Иди касбиашон табрику тахният намуда, ба кормандони ШВКД ш.Қайроққум 2 нақлиёти хизматӣ: тамғаҳои «Хундай-Старекс» ва «ВАЗ-2107»-ро тақдим намуд.

 Тӯҳфаи «Содиротбонк» ба кормандони милитсия

Бо мақсади пешбурди фаъолияти химатии кормандони милитсия аз ҷониби «Тоҷиксодиротбонк» дар давоми сол ба Вазорати корҳои дохилӣ се адад нақлиёти хизматӣ  тақдим карда шуд.

Кӯмак ба оилаҳои фавтидаи кормандони милитсия

 Бахшида ба муносибати Иди касбии кормандони милитсия аз ҷониби Раиси Ҳукумати вилояти Хатлон Ғайбулло Афзалов кӯмакҳои пуливу молӣ ба маблағи 100-сомонӣ ба 112-нафар кормандони мақомоти корҳои дохилӣ ва оилаҳои камбизоату бе саробонмонда ҷудо карда шуд.  

  Ҷудо гардидани заминҳои наздиҳавлигӣ ба кормандони милитсия

 Дар Шӯъбаи Вазорати корҳои дохилӣ дар ноҳияи Қумсангири вилояти Хатлон бо иштироки раиси ноҳияи мазкур чорабинӣ доир карда шуд, ки дар он ба 12-нафар кормандони милитсия, ки фаъолияти хуби корӣ доранд ва ба натиҷаҳои назаррас ноил гардидаанд, заминҳои наздиҳавлигӣ барои бунёди манзили истиқоматӣ ҷудо карда шуд. Инчунин зиёда аз 20-нафар бо тӯҳфаҳои хотиравӣ қадршиносӣ шуданд.

Телефонҳои мобилӣ ба нозирони минтақавӣ

 Бахшида ба Иди касбии кормандони милитсия аз ҷониби роҳбарияти Хадамоти алоқаи назди Ҳукумати Ҷумҳурии Тоҷикистон ба  Вазорати корҳои дохилӣ ба миқдори 123-дона телефонҳои мобилии CDMA, тамғаи «Нокиа» тақдим карда шуд.