Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Корнамоии родмардони Ватан

Олимов Бурӣ 13-уми октябри соли 1933 дар деҳаи Оби-Гарми ноҳияи Файзобод, дар оилаи деҳқон таваллуд шудааст. Соли 1940 ба синфи якуми мактаби миёнаи деҳаи Майдони ноҳияи номбурда дохил шуда, онро соли 1950 хатм намудааст. 15-уми  августи соли 1950 ҳуҷҷатҳояшро ба Омӯзишгоҳи педагогии шаҳраки Навободи вилояти ҳамонвақтаи Ғарм (ноҳияи Рашт) супорида, соли 1953 Омӯзишгоҳи номбурдаро хатм намудааст. Баъди хатми Омӯзишгоҳ ба ноҳияи Файзобод баргашта, дар деҳаи Ҷонварсӯз ба ҳайси муаллим як сол фаъолият намудааст.

Олимов Буриро соли 1954 барои хизмат ба сафи Артиши Шӯравӣ даъват намуданд. Хизматро аз шаҳри Киеви Ҷумҳурии Украина шурӯъ намуда, соли 1956 баъди сар задани ҳодисаҳо дар давлати Маҷористон (Венгрия) бо фармони Вазири мудофиаи Иттиҳоди Ҷамоҳири Шӯравӣ Сотсиалистӣ (СССР) полки онҳоро ба онҷо сафарбар намудаанд.

Дар давлати Маҷористон бар зидди мухолифони сохти сотсиалистӣ фаъолона мубориза бурда, барои таҳким бахшидани давлати конститутсионӣ, баробарию бародарӣ  ва ҳокимияти коргару деҳқон саҳми арзандаи худро гузоштааст.   

Дар натиҷаи задухӯрд дар Маҷористон 20-уми майи соли 1957 Олимов Бурӣ захм бардошта, дар беморхонаи ҳарбии он ҷо табобат гирифтааст. 24-уми декабри соли 1958 ҷанг дар Маҷористон ба охир расида, полки онҳоро ба ҷои муқимии худ ба Украина бармегардонанд.

Ӯ баъди панҷ соли хизмат ва иҷро намудани қарзи инсондӯстӣ бо фармони Вазири мудофиаи ИҶШС ба Ватан бармегардад.    

Баъди ба Ватан баргаштан аз 20-уми майи соли 1959 то моҳи декабри соли 1990 дар Раёсати корҳои дохилии шаҳри Душанбе дар вазифаҳои ҳайати қаторӣ ва роҳбарикунандаи хурд адои вазифа намуда, бо рутбаи махсуси «старшинаи милитсия» сазовор гаштааст.

Ҳангоми фаъолияти хизматӣ дар мақомоти корҳои дохилӣ дар мубориза бар зидди ҷинояткорӣ, риояи қонуният, ҳифзи тартиботи ҷамъиятӣ ва ҳуқуқу озодиҳои шаҳрвандон саҳми назаррас гузошта, шогирдони зиёдеро тарбия намудааст.

Барои хизматҳояш дар ҳодисаҳои Маҷористон бо фармони  Вазири мудофиаи Иттиҳоди Ҷамоҳири Шуравӣ Сотсиалистӣ бо медалу ифтихорномаҳо сарфароз гардонида шудааст.

Зимни адои хизмат дар мақомоти корҳои дохилӣ бо ордену медалҳо ва мукофотҳои молию пулӣ қадрдонӣ гардидааст.

Олимов Бурӣ яке аз родмардони шуҷои Ватан мебошад, ки барои адолат, бародарию баробарӣ ва пос доштани сулҳу субот дар ҷомеаи ҷаҳонӣ ҷонфидоӣ намудааст.

Раҳмонов Ғолибҷон, Юсупов Саидмавлон, донишҷӯёни факултети журналистикаи ДМТ.


You have no rights to post comments



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика