Пайи Наврӯз меояд ҷавонӣ баp диёри мо,
Муҳаббат медиҳад бар дидаҳои интизори мо.
Насими рӯҳафзову сафояш роҳати дилҳост,
Баҳори файзбораш зам кунад файзу барори мо.
Ҳама сарсабз, ҳама зебо, ҳама гулрезу гулпӯш аст,
Рабояд ин қашангӣ ҳар нафас сабру қарори мо.
Зи нав ошиқ, зи нав шайдо, ҳавои зистан пайдост,
Табиат мекунад ин зиннати худро нисори мо.
Сари хуршед боло мекашад чун ҳиммати тоҷик
Саодат мекунад дар ин фазо номусу ори мо.
Муборак қисмати мо, садоқатпешагии мост,
Ҳамеша сабзоғӯшему, ин аст ифтихори мо.
Офоқ Қодириён, подполковники милитсия.
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>
