Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Тифлию домони модар хуб биҳиште будааст…

Модар, модар каси боҳиммат бошад,

Дидори шарифи ӯ ғанимат бошад.

Махзани панди ӯ бигир арзонӣ,

Фардо чи кунӣ, ки ганҷи қимат бошад.

Модар-Ватан! Ин ду калима, ки ҳамагӣ аз панҷ ҳарф таркиб ёфтаанд, дар мазмуну мундариҷа он қадар маънӣ, шукӯҳу шаҳомат доранд, ки дар тасвирашон садҳо достону романҳо офарида шудаанду ғазалу таронаҳо сароида мешаванд.

Ин ду мафҳум барои ҳар як инсон ончунон азизу муқаддасанд, ки барои ҳифзи ҷону нангу номусаш фарзандони арзанда ҷони худро дареғ намедоранд. Тифл баробари ба олами ҳастӣ омадану чашм кушодан аз бӯи онҳо машом муаттар карда, бо ҷону дил дӯсташон медорад. Дар оғӯши Модар-Ватан хору зор нашуда, зиста ба воя мерасад.

Дилам хоҳад равам бар кӯи модар,

Вуҷудам пур шавад аз бӯи модар.

Тамоми рӯи дунёро бигаштам.

Надидам рӯи хуш ҷуз рӯи модар.

Ба андешаи ман зани тоҷик, ки намунаи олитарини зан-модар аст, дар доираи модарсолорӣ аз аввал то имрӯз боқӣ мондааст. Рисолати аслии зани тоҷик сабурии ӯст.

Зан - модари тоҷик заҳматкашу меҳнатқарин буду ҳаст ва мемонад. Бузургии зан - модар пеш аз ҳама дар он таҷассум меёбад, ки ӯ чароғи хонадон, идомадиҳандаи насл, тарбияткунанда ва бакамолрасонандаи фарзанд, инчунин нигоҳдорандаи забон, таърих ва фарҳанги миллӣ мебошад.

Пайғамбари ислом ҳазрати Муҳаммад(с) дар яке аз ҳадисҳои худ мефармояд: «Чаҳор чиз саодати шахс аст: ҳамсари шоиста, фарзандони хайрхоҳ, рафиқони хуб ва рӯзӣ дар Ватан».

Бо ин маънӣ занону модарон ҳамеша дар тарбияи фарзандони соҳибмаърифату хайрхоҳ ва дорои ахлоқи ҳамида кӯшиш намуда, онҳоро ба ҳаёти мустақилона омода месозанд, зеро фарзанди аз ҷиҳати ҷисмонӣ ва маънавӣ тавоно ба қадру  манзалати падару модар ва Ватан мерасад ва барои давлату миллати худ хизмат мекунад.

Ин масъулияти бузург модаронро водор месозад, ки дар баробари нигоҳубину парсаторӣ ва камолоти маънавию ҷисмонии фарзандони худ  онҳоро дар рӯҳияи худогоҳиву худшиносӣ, ҳуввияту ифтихори миллӣ ватандӯстиву ватанпарастӣ ва ҳомии марзу бум тарбия намоянд. Агар ободиву суботи ҷомеа аз осоишу оромии ҳар як оила вобаста бошад, дар навбати худ ободии ҳар як хонадон аз рӯҳияи солиму созанда, сатҳи маънавиёту маърифатнокӣ ва тандурустии зан-модар вобаста аст.

Аҳсан ба он заноне, ки имрӯз дар радифи мардон дар мақомоти корҳои дохилӣ кору фаъолият доранд ва саҳми босазои хешро дар таъмини сулҳу субот, оромӣ ва танзими тартиботи ҷамъиятӣ мегузоранд.

Имрӯзҳо заноне ҳастанд, ки мардонавор дар сафи Қувваҳои Мусаллаҳи Ҷумҳурии Тоҷикистон адои хизмат намуда истодаанд. 

Ман ҳамаи модарони Тоҷикистон, инчунин занон- модароне, ки айни замон дар мақомоти корҳои дохилӣ фаъолият доранд ба муностбати идашон табрик мегӯям ва аз даргоҳи Яздони пок барояшон тансиҳатӣ, бурдборӣ ва дар ҳифзи марзу буми кишвари азизамон матонату ҷасоратро таманно дорам ва аз забони шоир барояшон гуфтаниям:

Чу Саъди пир гардед кам набинед,

Чу Ҳофиз шод бошеду ғам набинед.

Чу Сино дар дилу дар дида бошед.

Чу Ҷомӣ оқилу фархунда бошед.

                Бори дигар идатон муборак модарони азиз!

Юсупов Саидмавлон, таҷрибаомӯзи факултети журналистикаи ДМТ.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun24

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика