Озмуни «Калидчаи заррин» дар мактабҳои ноҳияи Варзоб

Дар озмун хонандагони синфҳои 3-юм байни худ қувваозмоӣ намуданд. Озмун хело ҳам ҷолиб ва хотирмон мегузашт. Барои ҳарчӣ зиёдтар ба даст овардани холҳо дастаҳои «Сипар» ва «Оташак» кӯшиш менамуданд, ки 5 шарти асосии дар озмун пешбинишударо бехато ва дар кӯтоҳтарин муддат иҷро намуда, соҳиби «Калидчаҳои зеррин» гарданд.

Аз рӯи натиҷаҳои ба дастовардаи дастаҳо ҳайати ҳакамон ҷойи аввалро ба дастаи «Сипар», ки дорандаи 5 адад калидча гардида буд ва ҷойи дуюмро ба дастаи «Оташак», ки дорандаи 3 калидча гардида буд сазовор донистанд.

Дар интиҳои чорабинӣ аз тарафи роҳбари Дидбонгоҳи алоҳидаи ҳарбикунонидашудаи ХДО ноҳия Абдуҷамил Давлатов ва мушовири сардори Раёсати маорифи ноҳияи Варзоб Маҳмадалӣ Бобиев ба ғолибон ва иштирокчиёни озмун ифтихорнома ва тӯҳфаҳои қиматноки хотиравӣ супорида шуданд. Ҳамчунин ба мураббияҳои дастаҳо Лайло Каримова ва Парвина Саъдуллоева барои хуб омода намудани дастаҳо ба озмун, инчунин ба барандаи озмун хонандаи синфи 7 «А»-и мактаби мазкур Шоира Мирзоева ҳамчун барандаи хуб ва ба сарвари мактаб Раҷабгул Назарова барои дар сатҳи баланди ташкилотчигӣ омода ва баргузор намудани озмун ифтихорномаҳои ХДО ва Раёсати маорифи ноҳияи Варзоб супорида шуданд. Баргузории чунин чорабиниҳои зиддисӯхторӣ дар дигар муассисаҳои таълимии ноҳияи Варзоб ҳам ба нақша гирифта шудаанд ва дар рӯзҳои наздик баргузор хоҳанд гашт.

 Саломиддин Зарипов, Турсунбой Яъқубов, кормандони ДА ҲХДО ноҳияи Варзоб.