Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Эй модари меҳрубону пирам…

Модарҷон, мардуми деҳа бо ташвиши рӯзгор банданду саргарми корҳои саҳроиянд, ҳамин тавр не? Баъзан чунин мешуморам, ки зиндагии деҳа нисбат ба шаҳр беҳтару хубтар аст. Аз он лиҳоз, ки бештари хешу ақрабо маҳз дар деҳот умр мегузаронанду ман муштоқи сӯҳбати ширину дидори онҳоям.

Мудом меггӯи, ки зимистон, ки оғоз шавад, ҳатман ба шаҳр меояму фасли сарморо бо туву наберагонам мегузаронам. Аммо ин дафъа низ модарҷон ба ваъдаат вафо накардӣ. Инак фасли сармо ба итмом расиду баҳори нозанин  қудуми сабзи худро ба сарзамини зебоманзарамон гузошт. Аммо аз омад-омадат дерест, ки интизорӣ мекашем. Албатта, ташвишҳои зиндагии ҳамарӯза хотиратро ором намегузоранд ва ё деҳаро бениҳоят дӯст медорӣ?

Модарҷон, ҳар қадаре, ки  фарзандҳо бузург мешудаанд, ҳамон қадар меҳру муҳаббати онҳо ба волидайн бештар мешудааст. Аҷабо, ин муаммост ва ё ҳақиқати ҳол?

Модари азизам, тобиши зиндагӣ чунин аст, ки инсон давра ба давра ва марҳила ба марҳила ташаккул меёбаду аз худ нақши босазое мегузорад.

Ман нақши туро модарҷон дар тарбияи дурусти фарзандон, садоқату самимияти бепоёнатро нисбати наздикону ҳамдеҳагон мебинам ва аз он меболам, ки номи зебоятро бо хушнудиву меҳрубонӣ вирди забон мекунанду накӯкориву хирадмандиатро мепарастанд. Ту ягонаӣ модарҷон, зиҳӣ модаре, ки баҳри фарзандон ранҷу азоб мекашаду бо умеди фардои нек ба воя мерасонад.

Модари азизам, шукри зиндагӣ, ки бо сад умеду орзу ба баҳори нав расидем ва аз фурсати муносиб истифода бурда, туро бо иди  фархунда - рӯзи модарон аз самими қалб табрик намуда, бароят сиҳатмандии комилу умри бобаракатро таманно мекунам.

Инак модарҷон, риштаи суханамро дар ҳамин ҷо хотима мебахшаму бо умеди дидор ва сиҳатмадии комил гуфтаниам:

Эй модари меҳрубону пирам,

Бар мўи сафеди ту бимирам.     

Рухшона Шукурова.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun24

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика