Яке аз нуқтаҳои муҳими Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар аз 26-уми декабри соли 2019 ин ба баланд бардоштани маърифати шаҳрвандон ва фарҳанги китобхонӣ равона гардида буд.
Дар ҳамин асос бо ташаббуси Вазорати фарҳанг, нашриёти давлатии «Адиб» дар Театри опера ва балети ба номи устод Садриддин Айнӣ намоишгоҳи навбатии ярмарка-фурӯши китоб баргузор гардид, ки дар он гурӯҳи кормандони Академияи ВКД таҳти роҳбарии муовини сардори Академия полковники милитсия Собирзода А. ширкат намуда, барои харидории номгӯи китобҳо барои китобхонаи Академияи ВКД дархост пешниҳод намуда, аз дастовардҳои адибони тоҷик аз наздик шинос гардиданд.
Бояд тазаккур дод, ки ин дуюмин Намоишгоҳи китоб аст, ки нашриёти «АДИБ» созмон медиҳад, ки дар баробари тамошобинон ва харидорони зиёди китобҳои бадеӣ кормандони Академияи ВКД низ дар он ширкати фаъол менамояд.
Асламов Б.С., Сафарова С.Н.
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>
