Тамошои театр рӯҳу иломи тоза мебахшад

Тамошои барномаҳои театрикунонида ва филмҳои хусусияти тарбиявидошта ба шахс рӯҳу илҳоми тоза бахшида, ҷаҳони маърифат ва фарҳангу маданияти ҷавононро ғанӣ мегардонад. Бо дарки ин мафҳум дар факултети №3 Академияи ВКД дар баробари ба шунавандагон омӯзонидани барномаи таълимӣ анъанае роиҷ аст, ки зимни ҳар давраи хониш шунавандагонро ба тамошои осорхона, сайругашти мавзеъҳои таърихӣ ва ба тамошои театр ва кино ҷалб менамоянд. Барои шунавандагон ин методӣ таълимӣ хело хушоянд аст. Зеро кормандони амалии мақомотҳои ҳифзи ҳуқуқ дар гӯшаву канори гуногуни кишварамон фаъолият дошта, ҳама вақт чунин имконият фароҳам нест.

Рӯзи 19-уми апрели соли 2019 тамошои намоишномаи театрӣ иқдоми роҳбарияти факултети мазкур буд, ки шунавандагони соли 2-юм ва ҳайати омӯзгорони факултети №3 Академияи ВКД ба Театри давлатии академӣ-драмавии ба номи А.Лоҳутӣ ҷамъ омаданд. Мавзӯи нафс, фиреб, пойбандӣ ба шавҳат ва оқибатҳои ногувори он таҷрибаи талхи ҳаётӣ маҳсуб меёбад, ки дар хислати персанажҳо хело зинда инъикос гардидааст.
Ҳунармандони театр образҳои мазҳакаро бо маҳорати баланд, таъсирбахш иҷро намуданд. Бо саҳнаҳои ҳаҷвӣ хислати инсонҳои пойбанди шаҳват ва дурӯғгӯю дасисабоз, ки тамошобинро ба андеша водор месозад, тантанаи ҳақиқат ва ногузир будани ҷазо барои амали чиноятӣ ба маъраз гузошта шуд. Ҳақиқати мавзӯи рӯи саҳна овардашударо дар ҷомеаи имрӯза низ дидан мумкин аст. Намоишнома бо хусусияти таълимӣ-тарбиявӣ ба тамошобинон таассуроти нек гузошт.

Ташкили чунин чорабиниҳои фарҳангӣ ҷузъи ҷудонашавандаи барномаи таълимии Академияи ВКД аст, ки метавонад савияи дониши фарҳангии шунавандагонро баланд ва завқи эстетикии онҳоро сайқал диҳад.
Абдулозода Эҳсон, Абдулло Шоҳиён