Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Базми шеъри Хайрандеш дар Академияи ВКД

39

Рӯзи 4-уми апрели соли ҷорӣ дар толори фарҳангии Академияи ВКД Ҷумҳурии Тоҷикистон Барномаи фарҳангӣ-фароғатӣ таҳти унвони «Ку шеър, ки тар шавад, дили Хайрандеш» бо иштироки шоири халқии Тоҷикистон Хайрандеш (Қурбонов Хайриддин Шарифович) ва ҳунарманди шоистаи Ҷумҳурии Тоҷикистон Ҷумъахон Сафаров баргузор гардид.

Бояд зикр намуд, ки дар Академияи Вазорати корҳои дохилӣ пайваста вохӯриҳои судманд бо иштироки шоирону нависандагон, олимони соҳаҳои мухталиф, устодони санъати асили Тоҷикистон, собиқадорони меҳнат ва афроди баруманди ҷумҳуриямон баргузор мегардад. Маҳфили шеъру тарона бо қироати шеърҳои устод Хайрандеш аз ҷониби курсантони Академияи ВКД оғоз гардид. 

4041

Сардори Академияи ВКД, н.и.ҳ., дотсент, генерал-майори милитсия Шарифзода Ф.Р. дар суханронии хеш қайд намуд, ки дунёи бекаронаи андешаи қаҳрамони лирикии шоирро содадилӣ, хоксорӣ, фурӯтанӣ ва махсусан, дарёдилии одамони оддӣ ташкил додаанд ва розҳои ногуфтаи онҳо бо нармию нозукӣ, бо таъбирҳои ҷаззоби рӯҳнавози мардумӣ пай дар пай иброз мегардад… 

Иштирокчиёни маҳфили пуршукӯҳ аз ашъори Хайрандеш шеърҳо қироат карда, ба саволҳои сершумори хеш ҷавобҳо гирифтанд. 

Маҳфили Хайрандешро дар Академияи ВКД устоди санъати тоҷик Ҷумъахон Сафаров бо сурудҳои пурмазмуни хеш, ки аз матнҳо ба қалами устод Хайрандеш тааллуқ доранд, боз ҳам нуру ҷиллои тоза бахшид. 

42

Дар фарҷом сардори Академияи ВКД, н.и.ҳ., дотсент, генерал-майори милитсия Шарифзода Ф.Р. аз номи Вазири корҳои дохилии Ҷумҳурии Тоҷикистон, доктори илмҳои ҳуқуқ, генерал-полковники милитсия Раҳимзода Рамазон Ҳамро ба устодон Хайрандеш ва Ҷумъахон Сафаров медалҳои «25-солагии Академияи ВКД Ҷумҳурии Тоҷикистон»-ро тақдим намуд. 

Барои устоди фарзона Хайрандеш тавфиқоти рӯзафзун ва истиқрори хадамоти фарҳангӣ орзу мекунем ва умедворем дарахти пурбаргу бори вуҷудашон ҳамвора чатри шукуфа бар сар кашад.
Азизаи Давлатшоҳ, Гул Маҳбуба.




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

qonun012.

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика