Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Баргузор намудани гуштини миллӣ дар ноҳияи Ванҷ

482

Рӯзи 30-юми сентябри соли 2018 бо ташаббуси роҳбарияти Вазорати корҳои дохилии Ҷумҳурии Тоҷикистон ва дастигирии бевоситаи Вазири корҳои дохилӣ генерал-полковники милитсия Раҳимзода Р.Ҳ., дар ҷамоати деҳоти Язгуломи ноҳияи Ванҷи Вилояти Мухтори Кӯҳистони Бадахшон мусобиқаи ҷумҳуриявии гуштини миллӣ баргузор гардид.
Дар ин чорабинӣ зиёда аз 220 варзишгар аз вилоятҳои Мухтори Кӯҳистони Бадахшон, Хатлон, Суғд, шаҳри Душанбе ва гуштингирони наврас, 15-довар, 25-собиқадорони гуштини миллӣ ва 2000 нафар мухлисону ҳаводорони гуштин фаъолона иштирок намуданд.

483

Ба ғолибони мусобиқа аз ҷониби аъзои тадорукот маблағҳои пулӣ, тӯҳфаҳои қимматбаҳо ва 1-адад автомашинаи сабукрав тақдим карда шуд.
Ҳамин тариқ, паҳлавон Шошоев Муҳаммад соҳиби ҷойи аввал ва шоҳҷоиза - автомашинаи сабукрав гардид.
Паҳлавони ванҷӣ Шайхов Мақсад низ бо тӯҳфаҳои қимматбаҳо сарфароз гардонида шуд.
Дигар ғолибони мусобиқа, наврасон, доварон ва собиқадорони гуштини миллӣ низ бо тӯҳфаҳои пулию молӣ қадрдонӣ карда шуданд.
Тӯҳфаҳоро аз номи роҳбарияти Вазорати корҳои дохилӣ мушовири калони Вазири корҳои дохилӣ Ҷураев Ориф Олтинович ва муовини аввали раиси ШҶ «Динамо» подполковники милитсия Шоҳиён Аслиддин Назрӣ тақдим намуданд.

484485

Гӯштини миллиро доварон аз ҷамоати деҳоти Язгуломи ноҳияи Ванҷ ва Шӯрои ҷумҳуриявии “Динамо”-и Вазорати корҳои дохилӣ доварӣ намуданд.
Арҷгузорӣ ба фарҳангу арзишҳои миллӣ яке аз вазифаҳои аввалиндараҷа ба шумор рафта, баргузории чунин чорабиниҳои миллии варзишӣ дар замири хурду бузург муҳаббат ба ин сарзаминро бештар мегардонад.
Гул Маҳбуба


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика