Рӯзҳои 1-2-юми сентябри соли 2018 дар шаҳри Кӯлоб мусобиқаи минтақаи Кӯлоб дар якҷоягӣ бо Шӯрои ҷумҳуриявии «Динамо»-и Қисми минтақавии РВКД дар вилояти Хатлон оид ба гурӯҳи ноҳияи Кӯлоб оид ба гуштини миллӣ бахшида ба ҷашни 27-солагии Истиқлолияти давлатии Ҷумҳурии Тоҷккистон баргузор гардид.
Дар мусобиқа дастаҳои ноҳияҳои Муминобод, Ш.Шоҳин, Темурмалик, Фархор, Ҳамадонӣ, Восеъ ва дастаҳои шаҳри Кӯлоб иштирок намуданд.
Шумораи иштирокчиён 112 нафарро ташкил дода, динамочиёни минтақаи Кӯлоб дар вазнҳои гуногун ширкат варзида, сазовори ҷойҳои намоён гаштанд.
Дар вазни 50 кг Ҳалимов Абуалӣ ва Набизода Шаҳбоз дар вохӯрии ниҳоӣ қуваозмоӣ намуда, Набизода сазовори ҷойи аввал гардид.
Ҳамин тариқ дар вазни 55 кг Анушервони Анвар бо рақиби худ Мадуллоев Саидмумин дастболо шуд.
Ҳалимов Наврӯз бошад, дар вазни 65 кг Наҷмиддинов Саидаҳтамро мағлуб сохта, сазовори ҷойи аввал гардид.
Варзишгарони ғолиб таҳти сарпарастии мураббӣ оид ба гуштини миллӣ Саидхоҷаев Абдулло тамрин менамоянд.
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>
