Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Пирӯзии ДТММ дар мусобиқаи бандкашӣ

Санаи 5-уми июл дар варзишгоҳи "Спитамен"-и ВКД бахшида ба 20-умин солгарди "Рӯзи Ваҳдати миллӣ" таҳти шиори "Ҷавонон - пайрави Пешвои миллат" мусобиқаи кушоди даставӣ оид ба бандкашӣ байни сарраёсату раёсатҳо, шуъба ва ҷузъу томҳои дастгоҳи марказии ВКД, РВКД дар шаҳри Душанбе, ШВКД дар шаҳру ноҳияҳои тобеи ҷумҳурӣ баргузор гардид.
Дар оғози мусобиқа муовини аввали раиси Шӯрои ҷумҳуриявии "Динамо"-и ВКД, подполковники милитсия Аслиддин Шоҳиён суханронӣ намуда, иброз дошт, ки Шӯрои ҷумҳуриявии "Динамо" ҳамасола чорабиниҳои гуногуни варзиширо баргузор менамояд ва мақсад аз гузаронидани чунин мусобиқаҳо, пеш аз ҳама, барои солимии кормандони милитсия равона гардидааст.

Ҳамчунин, мавсуф зикр кард, ки мо имрӯз мусобиқаҳои варзиширо на танҳо миёни кормандони милитсия доир менамоем, балки чунин сабқатҳо дар байни идора ва сохторҳои қудратии мамлакат пайваста гузаронида мешаванд.
Дар мусобиқаи мазкур 8 даста бо ҳам сабқат намуданд. Пас аз се даври баргузории ин чорабинии варзишӣ кормандони Дастаи таъиноти махсуси милитсияи ВКД сазовори ҷойи аввал гардиданд.
Ҷойи дуюм насиби дастаи РВКД дар шаҳри Душанбе гардид ва Раёсати ташхисӣ-криминалистии ВКД мақоми сеюмро ишғол намуд.

Ба ғолибони мусобиқа туҳфаҳои хотиравӣ, Ҷом, медал ва диплом супорида шуд.
Тоҷиддин ЛАТИПОВ 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun1

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика