Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Маросими кушодашавии чемпионати ҷумҳуриявӣ оид ба таеквондо

Имрӯз, дар толори Қасри тенниси шаҳри Душанбе маросими кушодашавии чемпионати Ҷумҳурии Тоҷикистон оид ба таеквондо WTF бахшида ба ҷашни «Наврӯзи байналмиллалӣ» байни калонсолон доир гардид.
Дар ин чорабинии тантанавӣ намояндагони Вазорати корҳои дохилӣ, Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, Федератсияи Таеквондои Тоҷикистон, дигар муассисаҳои дахлдор, варзишгарону мураббиён ва меҳмонон иштирок доштанд.

Қайд гардид, ки варзиш ба насли ҷавон имкониятҳои васеи такмили ҷисмонӣ ва шахсиятро фароҳам оварда, дар пешгирии ҷинояткорию кирдорҳои номатлуб нақши муҳим мебозад.
Дар идомаи чорабинӣ бахши фарҳангӣ-фароғатӣ доир гардида, ҳамчунин аз ҷониби варзишгарони навраси риштаи таеквондо намоиши тарзу усул ва маҳорати ин намуди варзиш дар сатҳи баланд иҷро карда шуд.
Чемпионати Ҷумҳурии Тоҷикистон оид ба таеквондо WTF бахшида ба ҷашни «Наврӯзи байналмиллалӣ» байни калонсолон, тайи ду рӯз (18-19-ум марти соли 2017) идома ёфта, беш аз 80 нафар варзишгар аз тамоми минтақаҳои ҷумҳурӣ иштирок менамоянд.

Аз рафти чемпионат иловатан иттилоъ хоҳем дод.
Х. Солиҳов, Т. Латипов 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun1

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика