Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Санҷиши маҳорати сангбардорӣ

Дар доираи мусобиқаҳои варзишии бахшида ба таҷлили Иди байналмилалии «Наврӯз» таҳти шиори «Ҷавонон – ояндасози Ватан», имрӯз, дар варзишгоҳи «Спитамен»-и ШҶ «Динамо» мусобиқаи шахсӣ-даставӣ аз намуди «сангбардорӣ» байни Сарраёсат, раёсатҳо, шӯъбаҳо ва ҷузъу томҳои Дастгоҳи марказии ВКД, РВКД дар шаҳри Душанбе ва ШВКД дар шаҳру ноҳияҳои ҷумҳурӣ баргузор гардид.

Дар ин мусобиқа 15 даста бо теъдоди 59 варзишгар фаъолона иштирок намуда, варзишгарон дар 5 вазн қувваю маҳорати сангбардории худро санҷиданд.
Тибқи қоида ҳар як варзишгар дар вазни худ; маротибаи аввал ду санги 24 килограммаро бо ду даст ва дафъаи дуюм як санги онро бо як даст бардоштанд.
Ҳамин тариқ, дар вазни 60 кило намояндаи Сарраёсати хадамоти давлатии оташнишонӣ (СХДО) Ҷамшед Каримов ҷойи аввал, Фирӯз Мирзомадов аз Академияи ВКД зинаи дуюм ва Баҳовудин Давлатов – корманди БММ «Интерпол» мақоми сеюмро ишғол намуданд.
Дар вазни 70 кило Неъматулло Розиқов аз Хадамоти давлатии «Муҳофиза» ҷойи якумро ба даст оварда, ҷойи дуюм насиби Сангалии Ализода аз дастаи СХДО гашта, мақоми сеюм ба Муҳаммад Гадоев хизматчии Раёсати қӯшунҳои дохилӣ мушарраф гардид.
Дар вазни 80 кило намояндаи СХДО Неъматулло Таваров ҷойи якумро ишғол намуда, Раҳматшои Абдураҳим аз дастаи Раёсати қӯшунҳои дохилӣ ҷойи дуюм ва корманди Раёсати мубориза бо ҷиноятҳои муташаккил Ҷамшед Ғаниев мақоми сеюмро соҳиб гаштанд.
Намояндаи дигари дастаи СХДО Солеҳ Давлатзода дар вазни 90 килограмм нисбат ба дигар варзишгарони ин вазн бештар санг бардошта, сазовори ҷойи аввал гардида, Шарофиддини Шамсулло аз дастаи Раёсати қӯшунҳои дохилӣ мақоми дуввум ва Манучеҳр Неъматов аз Академияи ВКД зинаи сеюмро мутаносибан ба даст оварданд.
Ниҳоят дар вазни 100 кило ва беш аз он варзишгари СХДО Алиҷон Амирқулов, ки маҳорати хуби сангбардориашро нишон дода тавонист, ҷойи аввалро соҳиб гашт, Эраҷ Наимов аз дастаи Раёсати кофтукови ҷиноятӣ мақоми дуюм ва Бахтиёр Холиқов аз дастаи Раёсати мубориза зидди гардиши ғайриқонунии маводи мухаддир мақоми сеюмро ишғол намуданд.

Пас аз ҳисоби ғолибияти бештари варзишгарони дастаҳои иштирокчӣ дастаи Сарраёсати хадамоти давлатии оташнишонӣ соҳиби ҷойи аввал ва Ҷоми мусобиқа гашта, дастаи Раёсати қӯшунҳои дохилӣ дар зинаи дуюм ва варзишгаронии дастаи Академияи ВКД дар мавқеи сеюм истоданд.
Дар фарҷоми мусобиқа ба варзишгарон ва намояндагони дастаҳои ғолиби мусобиқа Ҷом, медал ва тӯҳфаҳои хотиравӣ супорида шуданд.
Х. Солиҳов 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun1

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика