Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Таҷлили бошукӯҳи Иди милитсия дар Раёсати ВКД дар шаҳри Душанбе

179

10-уми ноябр ҳамасола ҳамчун «Рӯзи милитсия» дар тамоми ҷузъу томҳои Вазорати корҳои дохилии Ҷумҳурии Тоҷикистон бо як шукӯҳу шаҳомати хоса таҷлил карда мешавад. Вобаста ба ин санаи фархунда дар маҷлисгоҳи Раёсати ВКД дар шаҳри Душанбе бо иштироки собиқадорони мақомоти корҳои дохилӣ, роҳбарият ва ҳайати шахсии ҷузъу томҳои Раёсати ВКД дар шаҳри Душанбе чорабинии идона баргузор гардид.
Нахуст сардори Раёсати ВКД дар шаҳри Душанбе генерал-майори милитсия Назарзода Шариф Раҳмон суханронӣ намуда, ҳамаи кормандон ва собиқадорони милитсияро ба иди касбии милитсияи тоҷик табрику муборакбод нумуд. Мавсуф зимни суханронӣ иброз дошт, ки бо дастгириҳои ҳамешагии Асосгузори сулҳу ваҳдати миллӣ, Пешвои миллат, президенти Ҷумҳурии Тоҷикистон муҳтарам Эмомалӣ Раҳмон сол то сол шароити корӣ дар мақомоти корҳои дохилӣ беҳтар гардида, имрӯз милитсияи тоҷик бо пешрафтатарин лавозимоти хизматӣ, аз қабили утоқҳои мусоиди корӣ, лавозимоти техникӣ, биноҳои маъмуриву хизматӣ ва дигар инфрасохтори лозимӣ таъмин гардидаанд.

180

Дар замони муосир бо пешрафти илму техника тарзу усули содиршавии амалу кирдорҳои ҷиноятӣ низ дигаргун гашта аз кормандони мақомоти милитсия баҳри пешгириву ошкорнамоии он маҳорати баланди касбиро талаб менамояд. Вобаста ба ин бо дастгириҳои роҳбарияти давлату ҳукумат баҳри баланд бардоштани маҳорати касбии кормандони мақомоти милитсия тамоми кӯшишҳоро ба харҷ дода, пайваста кормандони милитсия ба омӯзишу такмили ихтисос сафарбар карда мешаванд. Чуноне дар ҷараёни чорабинӣ роҳбари мақомоти милитсияи пойтахт иброз дошт, бо маҳорати баланди оперативӣ-хизматии милитсияи пойтахт имрӯз тамоми амалу кирдорҳои зиддиҷамъиятиву ба ҷомеа хавфнок саривақт пешгирию ошкор ва нафарони ҷиноятпеша дастгир карда мешаванд.
Чунин натиҷаҳои баланди хизматии милитсияи пойтахт аст, ки имрӯз аз ҷониби роҳбарияти давлату ҳукумат ва роҳбарияти Вазорати корҳои дохилӣ қадрдонӣ карда мешаванд.

239181182183

Дар идомаи чорабинӣ бо Фармони Вазири корҳои дохилии Ҷумҳурии Тоҷикистон генерал-полковники милитсия Раҳизода Рамазон Ҳамро як зумра кормандони милитсияи пойтахт бо рутбаҳои навбатӣ ва медалу Нишонҳои сарисинагӣ ва Ифтихорномаву Сипосномаҳо қадрдонӣ карда шуданд.
Дар баробари ин ба як қатор маъюбону собиқадорон ва оилаҳои бесаробонмондаи милитсияи пойтахт кӯмакҳои пуливу моддӣ расонида шуданд.
Дар қисмати дигари чорабинӣ барномаи консертии омоданамудаи кормандони милитсия табъи ҳозиринро болида намуд. Мавриди зикр аст, ки барномаи консертии мазкур бори нахуст пурра аз ҷониби кормандони милитсияи пойтахт ва фарзандони онҳо омода карда шуда, бо як маҳорати баланди касбӣ иҷро карда шуд, ки писанди ҳамагон гардид.
Сироҷиддин Шукуров, сармуҳаррири гурӯҳи ахборотии РВКД дар ш. Душанбе


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика