Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Семинари омӯзишӣ бахшида ба Рӯзи Конститутсия

395

Субҳи имрӯз дар Раёсати ВКД дар вилояти Суғд ба муносибати «Рӯзи Конститутсия» бо иштироки роҳбарият ва ҳайати шахсӣ семинари омӯзишӣ доир гашт. Дар оғоз сардори Раёсати ВКД дар вилояти Суғд генерал-майори милитсия Назарзода Қудратулло Бобо вобаста ба мавқеи Конститутсияи Ҷумҳурии Тоҷикистон дар низоми давлатдории миллӣ сухан кард. Таъкид шуд, ки мақомоти корҳои дохилӣ аз сохтори таркибии давлат аст, ки барои тадбиқи меъёрҳои муқаррар намудаи Конститутсия саҳм мегузорад. Эҳтиром ба ин санади танзимкунандаи ҳаёти ҷомеа кафили рӯзгори босаодат аст, ки чорабинии имрӯза маҳз ба ҳамин хотир баргузор мегардад афзуд Қ. Назарзода.

396

Сипас муовини сардори факултети 4-уми Академияи ВКД номзади илмҳои ҳуқуқ подполковники милитсия Меҳриддин Ғаффуров бо маърузаи илмӣ баромад намуда, аз таърихи пайдоиши аввалин конститутсияҳо, шаклҳои таърихӣ, намуд ва тарзҳои ҳуқуқии қабули конститутсия ба ҳозирин маълумот дод. Оиди давраҳои инкишофёбии Конститутсия дар Ҷумҳурии Тоҷикистон суханронӣ намуда мавсуф зикр дошт, ки Конститутсия ҳуҷҷати расмӣ, санади муқаддас ва сарнавиштсоз барои халқи тоҷик мебошад. Ҳамчунин ба моддаҳои алоҳидаи Конститутсия таваҷҷуҳ намуда моҳияти он тафсир карда шуд.
Иштирокчиёни семинар вобаста ба мавзӯи матраҳгардида маълумоти дақиқ гирифтанд.

Акбар Шарифов
капитани милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика