Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Шиносоӣ бо фаъолияти хизматии политсия дар қаламрави ИМА

650

Рӯзи 11-уми октябри соли 2018 дар шаҳри Вашингтони Иёлоти Муттаҳидаи Амрико вохӯрии гурӯҳи кории Вазорати корҳои дохилии Ҷумҳурии Тоҷикистон бо Директори мубориза бо маводи нашъаовар ва ҳифзи тартиботи ҷамъиятии Департаменти давлатии ИМА хонум Ниша Праер баргузор гардид.
Дар ин вохӯрӣ аз ҷониби Вазорати корҳои дохилии Ҷумҳурии Тоҷикистон сардори Раёсати кадрҳо ва кор бо ҳайати шахсии ВКД генерал-майори милитсия Рамазонзода Суҳроб Кароматулло, Ҳамоҳангсози миллӣ оид ба ислоҳоти милитсияи ВКД генерал-майори милитсия Шодмонзода Фарҳод Алиёр, сардори Сармаркази иттилоотӣ-таҳлилии ВКД полковники милитсия Боймаҳмадзода Музаффар, сардори Шуъбаи милитсия оид ба масъалаҳои экологии ВКД полковники милитсия Ализода Анварҷон Ҷума, сардори Хадамоти шиносномавию бақайдгирии ВКД полковники милитсия Юнус Бобозода Назар ва муовини роҳбари Дастгоҳи Вазири корҳои дохилӣ полковники милитсия Салимбойзода Довар Салимбой ширкат варзиданд.

651652

Дар рафти вохӯрӣ масъалаҳои ҳамкориҳо дар самти ислоҳоти милитсия, қайди ягонаи ҷиноятҳо, терроризм, экстремизм ва масоили вобаста ба милитсияи сайёҳӣ баррасӣ гардиданд.
Дар нимаи дуюми рӯз бошад, вохӯри бо Политсияи муштараки давлатии таваққуфгоҳи минтақаи Анакостии шаҳри Вашингтон барпо гашт.
Дар ин вохӯрӣ ҳайати кории Вазорати корҳои дохилии Ҷумҳурии Тоҷикистон бо фаъолияти амалии ин политсия дар қаламрави ИМА шинос шуда, таҷрибаи кории ҳамдигарро мавриди омӯзиш қарор доданд.
Мавриди қайд аст, ки фаъолияти хадамоти мазкур дар ҳифзи тартиботи ҷамъиятӣ, кор бо сайёҳони хориҷӣ ва роҳбаладии меҳмонони олиқадр равона карда шудааст.
Айни замон, сафари хизматии гурӯҳи кории Вазорати корҳои дохилии Ҷумҳурии Тоҷикистон дар ИМА идома дорад.
Гул Маҳбуба


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика