Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Политсияи Дубай

Ин навъи мошин, ки истеҳсоли Ҷопон мебошад, бо муҳаррики V8 муҷаҳҳаз буда, дар як соат 270 километрро тай мекунад. Дар чоруним сонияи аввал аллакай суръати ҳаракаташ аз сад зиёд мешавад. Аммо, ба ҳамаи ин нигоҳ накарда, полиси Дубай боз бо нақлиёти варзишии нисбатан навтар таъмин гардид.

"Bugatti Veyron" аз ҷумлаи автомобилҳои гаронарзише мебошад, ки чанд рӯз пеш ба кормандони политсияи ин шаҳр супорида шуд. Арзиши ин навъи нақлиёти хизматӣ наздики 2 миллион доллари амрикоиро ташкил дода, суръати баландтарини ҳаракати он 400 километр дар як соат мебошад.

Аммо саволе ба миён меояд, ки чаро политсияи Дубай миллионҳо долларро барои харидории чунин мошинҳои гаронарзиш сарф мекунад? Ширкати "Motor Authority" иттилоъ медиҳад, ки ҳамаи кор сари сайёҳони хориҷӣ мебошад. Мошинҳои гаронарзиш қисме аз барномаи рушди сайёҳӣ дар ин шаҳр маҳсуб меёбанд, ки ҳангоми ҳаракати сайёҳо- ни хориҷӣ ба ҷойҳои тамошобоб автомобилҳои хизматии политсия онҳоро ҳамроҳӣ мекунанд. Корвони мошинҳои полисро сари ҳар қадам дар ҷойҳои тамошобоби шаҳр дидан мумкин аст.

Масалан, онҳо дар назди бинои осмонбӯси "Бурҷ ал-Халифа" ҳамеша гаштугузор мекунанд. Сайёҳони хориҷӣ ба ин гуна мошинҳои гаронарзиши политсияи Дубай нишаста, барои ёдоварӣ аксбардорӣ мекунанд. Чунин ташаббускориҳои ҳукумати ин шаҳри тараққикарда ба хотири муаррифии Дубай ҳамчун шаҳри зебои дунё ва ба даст овардани фоидаи зиёд аз сайёҳони хориҷӣ амалӣ карда мешаванд.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика