Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Бозомӯзӣ ва такмили низоми фаъолияти амалияи маъмурӣ дар Суғд

Фаъолияти амалияи маъмурӣ дар мақомоти корҳои дохилӣ яке аз самтҳои афзалиятноке маҳсуб меёбад, ки имконияти бештари коҳиш додани сатҳи ҷинояткорӣ то андозае ба он вобастагӣ дорад.
Бо мақсади такмил додани коргузории маъмурӣ бо ташаббуси шӯъбаи таҳқиқи РВКД дар вилояти Суғд дар маҷлисгоҳи Раёсат бо иштироки масъулини шӯъбаи таҳқиқ, ҳифзи тартиботи ҷамъиятӣ, хадамотҳои пешгирии ҳуқуқвайронкунӣ байни ноболиғону ҷавонон, шиносномавию бақайдгирӣ, хадамоти давлатии оташнишонӣ, бозрасии давлатии автомобилӣ, шӯъбаи милитсия оид ба масъалаҳои экологӣ ва ҷузъу томҳои мақомоти корҳои дохилӣ, ки фаъолияти хизматии онҳо ба пешгирӣ ва ошкор намудани ҳуқуқвайронкуниҳои маъмурӣ алоқамандӣ дорад семинар - машварати омӯзишӣ дар мавзӯи «Тартиби дуруст ба расмият даровардани парвандаҳои ҳуқуқвайронкунии маъмурӣ аз ҷониби ҷузъу томҳои мақомоти корҳои дохилии вилояти Суғд» доир карда шуд.

Ҳамоиши методӣ - таълимиро муовини сардори Раёсат полковники милитсия Нуриддин Пирумшозода ифтитоҳ намуда ҳадаф ва моҳияти онро шарҳ дод. Қайд гардид, ки низоми фаъолияти маъмурӣ дар баробари тарбияи ҳуқуқии шаҳрвандон омили таъсиррасонандаи пешгирии ҷинояткорӣ маҳсуб меёбад.
Аз ин лиҳоз сифатнокии тартиби барасмиятдарории ҳуқуқвайронкуниҳои маъмурии ошкоргардида ва дуруст ба роҳ мондани фаъолият зарур шуморида шуд.
Фармону дастурамалҳои танзимкунандаи фаъолияти амалияи маъмурӣ фарогири мавзӯи меҳварии маърузаи сардори шӯъбаи таҳқиқи Раёсат подполковники милитсия Орифзода С.Н. буд, ки бо истифода аз аёниятҳо ва нишон додани тасвир - слайдҳо матраҳ гардид. Тартиб додани маводҳои маъмурӣ, ҳуҷҷатгузорӣ ва дигар муқаррароти санадҳои ҳуқуқиро фаҳмонида, мавсуф дар ин самт дастурҳои методии мушаххас дод.
Кормандони амалии мақомот имкон доштанд аз маърузаи сардори кафедраи ҳуқуқвайронкунии маъмурии факултети рақами 4-уми Академияи ВКД полковники милитсия М. Муллобоев дар мавзӯи «Истеҳсолот аз рӯи парвандаҳои ҳуқуқвайронкунии маъмурӣ» ва «Баъзе масъалаҳои ҳуқуқу ӯҳдадориҳои ҷабрдида ҳамчун иштирокчии ҳуқуқи мурофиавии маъмурии Ҷумҳурии Тоҷикистон» донишҳои назариявии худро такмил диҳанд.

Ҳамчунин аз ҷониби мутахассисон - таҳқиқотчиёни шуъбаи таҳқиқ капитани милитсия Толибов М.Т. ва майори милитсия Неъматов Н.Р., мавзӯъҳои «Тартиби ба расмият даровардани парвандаҳои ҳуқуқвайронкунии маъмурӣ (аз лаҳзаи оғоз то лаҳзаи баррасии он ё аз рӯи тобеъият ирсол намудани он)», «Тартиби бақайдгирии маводҳои ҳуқуқвайронкунии маъмурӣ ва омодасозии ҳисоботҳои фаъолияти амалияи маъмурӣ» ба иштирокчиёни семинар маълумоти возеҳ дода шуд.
Иштирокчиён дар рафти семинар – машварат имкон доштанд мушкилоти дар амалия рӯ ба рӯ шавандаро баррасӣ ва маълумоти заруриро дастрас намоянд.
Акбар Шарифов, капитани милитсия 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Паёми имсолаи Президент дар бораи самтҳои асосии сиёсати дохилӣ ва хориҷии мамлакат баъди ҷашни чорякасраи истиқлолияти давлатии Тоҷикистон, яъне дар даврае пешниҳод мегардад, ки кишвари азизи мо ба марҳалаи нави рушд ворид гардида, мардуми шарифи Тоҷикистон ба сӯи ояндаи ободу осуда бо қадамҳои устувор пеш меравад.Дар зарфи бисту панҷ сол мо ба шарофати заҳмати софдилонаи халқамон дар роҳи таъмин намудани рушди сиёсиву иқтисодӣ ва иҷтимоиву фарҳангии кишвар ба натиҷаҳои назаррас ноил гардидем.Мо ҳамаи ин корҳоро ба хотири таҳкими пояҳои истиқлолияти давлатиамон анҷом додем.Зеро озодиву истиқлолият бароямон дастоварди бузургтарин ва ғояи муқаддаси миллӣ буда, мо бо вуҷуди мушкилоти ҷойдошта барои ҳимоя ва пойдору устувор мондани он минбаъд низ тамоми саъю талоши худро равона ....>>>

Барномаи ислоҳоти милитсия


Барномаи ислоҳоти (рушди) милитсия барои солҳои 2014-2020 (минбаъд - Барнома) ҳуҷҷати асосии барномавии миёнамўҳлат буда, мақсадҳои стратегӣ, вазифа ва самтҳои асосии ислоҳоти (рушди) милитсияро муайян менамояд. Барнома дар асоси моддаи 7 Қонуни Ҷумҳурии Тоҷикистон   Муфассал >>>

Низомномаи Шӯрои ҷамъиятӣ

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин
  Муфассал >>>

Стратегия


Стратегияи ислоҳоти милитсия барои солҳои 2013 - 2020 (минбаъд - Стратегия) ба меъёрҳои Конститутсияи (Сарқонуни) Ҷумҳурии Тоҷикистон асос ёфта, ҳадафҳо, афзалият ва тадбирҳоро оид ба ислоҳот ва рушди милитсия муайян намуда, амалҳоеро, ки Ҳукумати Муфассал >>>

Кодекси одоби касбии корманди милитсия


Кодекси одоби касбии корманди милитсия ин маҷмӯи қоидаҳои рафтори корманди милитсия мебошад, ки бо мақсади муқаррар намудани қоидаҳои рафтори хизматӣ ва ғайрихизматии корманди милитсия (минбаъд корманд), мусоидат намудан, ҷиҳати баланд  Муфассал >>>

Кодекси одоби касбии корманди милитсия ин маҷмӯи қоидаҳои рафтори корманди милитсия мебошад, ки бо мақсади муқаррар намудани қоидаҳои рафтори хизматӣ ва ғайрихизматии корманди милитсия (минбаъд корманд), мусоидат намудан, ҷиҳати баланд бардоштани обрӯ ва эътибори корманд, боварии шаҳрвандон ба мақомоти корҳои дохилии Ҷумҳурии Тоҷикистон ва таъмини меъёрҳои ягонаи рафтори корманд қабул карда шудааст

Қонуни Ҷумҳурии Тоҷикистон «Дар бораи политсия»

Лоиҳаи Қонуни Ҷумҳурии Тоҷикистон «Дар бораи политсия» аз ҷониби Гурӯҳи кории дохилиидоравӣ бо ҷалби коршиносони дохиливу хориҷӣ, ҷомеаи шаҳрвандӣ, ҳизбҳои сиёсӣ, олимони соҳаи ҳуқуқ ва кормандони амалии  Муфассал >>>

Кофтуков


© 2017 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад