Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ваҳдати миллӣ – таҳкими суботи сиёсӣ

Имрӯз (02.06.с.2017), дар толори маҷлисгоҳи Вазорати корҳои дохилӣ бо иштироки роҳбарият ва ҳайати шахсии раёсатҳои Дастгоҳи марказии вазорат машғулияти хизматӣ доир гардид, ки тибқи нақшаи тасдиқгардида сардорони шӯъбаҳои Вазорати корҳои дохилӣ баромад намуданд.
Нахуст, сардори Шӯъбаи оперативии ВКД Ҷумҳурии Тоҷикистон подполковники милитсия Фирӯз Файзуллозода дар мавзӯи «Ваҳдати миллӣ – таҳкими суботи сиёсӣ» баромад намуда, қабл аз суханронии хеш тамоми ҳайати шахсии мақомоти корҳои дохилиро бо фарорасии 20-умин солгарди ҷашни Рӯзи ваҳдати миллӣ табрик гуфта, ба онҳо комёбию пешравиҳо дар хизмат ва хушбахтию хонаободиро таманно намуд.

Мавсуф зимни суханронӣ қайд кард, ки тайи 20 соли соҳибваҳдатӣ кишвари азизамон дар тамоми ҷанбаҳои фаъолияти сиёсиву ҳуқуқӣ ва иқтисодиву иҷтимоӣ ба дастовардҳои беназир ноил гардидааст. Маҳз натиҷаи заҳмату талошҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва мардуми сарбаланди тоҷик буд, ки баъди чандин кӯшишҳо, 27 июни соли 1997 дар пойтахти Федератсияи Россия – шаҳри Москва Созишномаи истиқрори сулҳ ва ризоияти миллӣ ба имзо расид ва он Рӯзи ваҳдати миллӣ эълон гардид.
Таҷрибаи пешқадами «Сулҳи тоҷикон» барои ҷаҳониён ва насли имрӯз чун намунаи беҳтарини гуфтушуниди созанда дониста мешавад.
Мардуми Тоҷикистон Рӯзи ваҳдати миллиро ҳамчун рӯзи баҳамоӣ, ҳамгироӣ, сулҳу оштипазирӣ ва ваҳдату ҳамфикрӣ ҷашн мегиранд. Бояд тамоми мардуми кишвар, махсусан насли ҷавони ояндасоз аз он ифтихор кунанд, дар ободии Ватан, пешрафту гулгулшукуфоии он камари ҳиммат банданд. Боварӣ аст, ки ҳар як фарди бонагу номуси миллат дар остонаи 20-солагии Рӯзи ваҳдати миллӣ рисолату асолати давлатдории миллӣ ва қарзи муқаддаси шаҳрвандии худро дарк намуда, барои ҳифзи дастовардҳои истиқлолият, таҳкими сулҳу ваҳдат ва суботи сиёсӣ, таъмини рушди иқтисодиёт ва пешрафти Ватани азиз нерӯю дониши худро дареғ намедорад ва дар атрофи Сарвари давлат муттаҳид хоҳанд гашт.

Дар идомаи машғулияти хизматӣ, сардори Шӯъбаи Вазорати корҳои дохилӣ дар шаҳри Роғун полковники милитсия Ашурзода Абдуҷалил Халил дар мавзӯи «Яке аз ҳадафҳои стратегии кишвар – расидан ба истиқлолияти комили эенергетикӣ» баромади пурмӯҳтаво намуд.
Қайд гардид, ки аз рӯзҳои аввали соҳибистиқлол гардидани кишварамон – Тоҷикистон дар баробари баромадан аз бунбасти коммуникатсионӣ ва амнияти озуқавории мамлакат, яке аз ҳадафҳо ва вазифаҳои муҳими дарпешистодаи роҳбарияти давлату ҳукумати ҷумҳурӣ ин расидан ба истиқлолияти комили энергетикӣ маҳсуб меёбад. Бо ин мақсад аз тамоми имкониятҳои мавҷуда истифода бурда, дар ин самт тамоми чораҳои зарурӣ андешида мешаванд.
29 октябри соли 2016 дар шаҳри Роғун бо иштироки Роҳбари давлат дар соҳили дарёи Вахш маросими оғози бунёди сарбанди Нерӯгоҳи барқи обии Роғун доир гардид.
Пешвои миллат муҳтарам Эмомалӣ Раҳмон худ савори булдозери вазнин бо пеш кардани сангу шағал маҷрои дарёи Вахшро баста, ба бунёди сарбанди Нерӯгоҳи барқи обии Роғун, ки барои мардуми Тоҷикистон ҳаёту мамоташ аст, ҳусни оғоз бахшиданд.
Зикр гардид, ки бунёду барқарорсозии ин иншооти муҳиму стратегӣ барои таъмини зиндагии сазовори наслҳои имрӯзу оянда хизмат мерасонад. Он барои рушди иқтисодиёт ва дар маҷмуъ барои пешрафти тамоми соҳаҳои хоҷагии халқи мамлакат заминаи мусоид фароҳам меорад. Баъди ба истифода додани нерӯгоҳ имкон аст, ки дар кишвар даҳҳо корхонаҳои хурду бузурги саноатӣ ифтитоҳ ва ҳазорҳо ҷойҳои нави корӣ таъсис ёбад.

Тибқи нақша навбати аввали нерӯгоҳ, яъне агрегати якум охири соли 2018 ва агрегати дуюм моҳи апрели соли 2019 ба истифода дода шуда, нерӯи барқи истеҳсолшуда ба системаи энергетикии кишвар интиқол дода мешавад.
Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ин раванд қайд намудаанд, ки «Бунёди неругоҳи обӣ-барқии «Роғун» умри НОБ-и «Норак»-ро садсолаҳо дароз мекунад».
Оғози корҳои барқарорсозии Нерӯгоҳи барқи обии Роғун, Бунёди нерӯгоҳҳои барқии обии “Сангтуда 1” ва “Сангтуда 2”, оғози татбиқи лоиҳаи КАСА - 1000, таҷдиди нерӯгоҳи Барқии обии Норак, бунёди зеристгоҳи барқии “Лолазор”, Хати интиқоли барқи баландшиддати 220 киловолтаи “Лолазор - Хатлон”, Зеристгоҳи барқии “Хатлон”, Хати интиқоли барқи баландшиддати 500 киловолтаи “Ҷануб Шимол”, ба истифодадиҳии навбати аввали Маркази барқу гармидиҳии 2 - и Душанбе бо иқтидори 100 мегаватт, идомаи бунёди навбати дуюми Маркази барқу гармидиҳии 2 - и Душанбе бо иқтидори 300 мегаватт, аз ҷумлаи комёбиҳои бузурги Тоҷикистон дар самти расидан ба истиқлолияти комили энергетикист, ки миллати куҳанбунёди тоҷик бо роҳбарии Пешвои хирадманду дурандеш муҳтарам Эмомалӣ Раҳмон ба он ноил гардидааст. Дар маҷмӯъ, дар зарфи бисту панҷ соли истиқлолият дар кишварамон зиёда аз 1300 мегаватт иқтидорҳои нави энергетикӣ ба истифода дода шуданд.
Дар охири машғулияти хизматӣ, миёни баромадкунандагон ва ҳайати шахсӣ роҷеъ ба мавзӯҳои баррасигардида табодули афкор сурат гирифт.
Х. Солиҳов, Р. Илёсов 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Паёми имсолаи Президент дар бораи самтҳои асосии сиёсати дохилӣ ва хориҷии мамлакат баъди ҷашни чорякасраи истиқлолияти давлатии Тоҷикистон, яъне дар даврае пешниҳод мегардад, ки кишвари азизи мо ба марҳалаи нави рушд ворид гардида, мардуми шарифи Тоҷикистон ба сӯи ояндаи ободу осуда бо қадамҳои устувор пеш меравад.Дар зарфи бисту панҷ сол мо ба шарофати заҳмати софдилонаи халқамон дар роҳи таъмин намудани рушди сиёсиву иқтисодӣ ва иҷтимоиву фарҳангии кишвар ба натиҷаҳои назаррас ноил гардидем.Мо ҳамаи ин корҳоро ба хотири таҳкими пояҳои истиқлолияти давлатиамон анҷом додем.Зеро озодиву истиқлолият бароямон дастоварди бузургтарин ва ғояи муқаддаси миллӣ буда, мо бо вуҷуди мушкилоти ҷойдошта барои ҳимоя ва пойдору устувор мондани он минбаъд низ тамоми саъю талоши худро равона ....>>>

Барномаи ислоҳоти милитсия


Барномаи ислоҳоти (рушди) милитсия барои солҳои 2014-2020 (минбаъд - Барнома) ҳуҷҷати асосии барномавии миёнамўҳлат буда, мақсадҳои стратегӣ, вазифа ва самтҳои асосии ислоҳоти (рушди) милитсияро муайян менамояд. Барнома дар асоси моддаи 7 Қонуни Ҷумҳурии Тоҷикистон   Муфассал >>>

Низомномаи Шӯрои ҷамъиятӣ

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин
  Муфассал >>>

Стратегия


Стратегияи ислоҳоти милитсия барои солҳои 2013 - 2020 (минбаъд - Стратегия) ба меъёрҳои Конститутсияи (Сарқонуни) Ҷумҳурии Тоҷикистон асос ёфта, ҳадафҳо, афзалият ва тадбирҳоро оид ба ислоҳот ва рушди милитсия муайян намуда, амалҳоеро, ки Ҳукумати Муфассал >>>

Кодекси одоби касбии корманди милитсия


Кодекси одоби касбии корманди милитсия ин маҷмӯи қоидаҳои рафтори корманди милитсия мебошад, ки бо мақсади муқаррар намудани қоидаҳои рафтори хизматӣ ва ғайрихизматии корманди милитсия (минбаъд корманд), мусоидат намудан, ҷиҳати баланд  Муфассал >>>

Кодекси одоби касбии корманди милитсия ин маҷмӯи қоидаҳои рафтори корманди милитсия мебошад, ки бо мақсади муқаррар намудани қоидаҳои рафтори хизматӣ ва ғайрихизматии корманди милитсия (минбаъд корманд), мусоидат намудан, ҷиҳати баланд бардоштани обрӯ ва эътибори корманд, боварии шаҳрвандон ба мақомоти корҳои дохилии Ҷумҳурии Тоҷикистон ва таъмини меъёрҳои ягонаи рафтори корманд қабул карда шудааст

Қонуни Ҷумҳурии Тоҷикистон «Дар бораи политсия»

Лоиҳаи Қонуни Ҷумҳурии Тоҷикистон «Дар бораи политсия» аз ҷониби Гурӯҳи кории дохилиидоравӣ бо ҷалби коршиносони дохиливу хориҷӣ, ҷомеаи шаҳрвандӣ, ҳизбҳои сиёсӣ, олимони соҳаи ҳуқуқ ва кормандони амалии  Муфассал >>>

Кофтуков


© 2017 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад