Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Кӯмаки хайрхоҳона дар арафаи Наврӯз ба ятимону ниёзмандон

15-уми марти соли равон, бахшида ба ҷашни Иди байналмилалии «Наврӯз» ва «Соли ҷавонон» бо ташаббуси гурӯҳи ҷавонони «Пешоҳанг» ва дастгирии Вазорати корҳои дохилӣ ҷиҳати кӯмак ба як қатор мактаб-интернатҳои пойтахт аксияи хайриявӣ доир карда шуд.

Ҷавонони фаъоли гурӯҳи «Пешоҳанг» аксияи хайриявиро аз мактаб-интернати махсуси таҳсилоти асосии №2-и шаҳри Душанбе шурӯъ карда, сипас ба хонаи кӯдакони синни томактабии №1, Ятимхонаи №1-и ноҳияи Сино ва мактаб-интернати №4 барои кӯдакони аз оилаҳои камбизоат ва бепарасторони шаҳри Душанбе омада, ба онҳо маводҳои озуқаворӣ, аз қабили картошка, пиёз, равған, орд ва шакарро, ҳамчун иқдоми хайрхоҳона нисбат ба ятимону бепарасторон дар арафаи ҷашни байналмилалии Наврӯз тақдим намуданд.
Барои ин иқдоми хайрхоҳона роҳбарони муассисаҳои таълимии зикргардида изҳори миннатдорӣ намуда, нисбат ба мактаббачагон яке аз амалҳои неки инсонӣ арзёбӣ намуданд.

Дар ин радиф, барои болида гардонидани рӯҳияи таълимгирандагон ва тарғибу ташвиқи ҳисси ватандӯстию инсондӯстӣ аз ҷониби ҷавонони гурӯҳи Пешоҳанг ба хонандагони мактаб-интернатҳо дар толори фарҳангии мактаби таҳсилоти умумии №101-и ноҳияи Синои шаҳри Душанбе як барномаи фарҳангию фароғатӣ манзур гардид.
Дар ин чорабинӣ, нахуст муовини сардори Раёсати ҳамкориҳои байналмилалии ВКД, полковники милитсия Мансур Бухоризода ҳозиринро бо фарорасии Наврӯзи хуҷастапай муборакбод намуда, ин иқдоми пешгирифтаи ҷавонони гурӯҳи «Пешоҳанг»-ро барои муаҳассилини ин муассисаҳо хуб арзёбӣ намуд. Номбурда, ҳамчунин миннатдории хешро ба роҳбарияти ин муассисаҳои таълимӣ барои мусоидат дар баргузории чунин як чорабинии идона изҳор дошт.
Дар идома, директори муассисаи таҳсилоти умумии №101 Усмонова Ибодат суханронӣ намуда, чунин як чорабинии хайриявӣ ва фарҳангиро иқдоми саривақтӣ ва тӯҳфаи идона ба мактаббачагон донист. Қайд гардид, ки толибилмони онҳо, яъне ятимону бепарасторон ҳамеша зери таваҷҷӯҳ ва ғамхории Ҳукумати мамлакат қарор дошта, баргузории чунин чорабиниҳо ба ташаккули хислатҳои беҳтарини инсонӣ мусоидат хоҳанд кард.
Дар рафти баргузории ин чорабинӣ хонандагони мактаб-интернатҳо низ фаъолона ширкат варзида, дар васфи модар ватан ва баҳору наврӯзи хуҷастапай шеъру суруд ва таронаҳо қироат намуда, саҳначаҳои ҳаҷвӣ доир намуданд.
Хурсанию нишоти хонандагонро ҳадду канор набуд. Тавре муаллими мусиқии мактаб-интернати махсуси таҳсилоти асосии №2, Амирхоҷа Исматуллоев дар сӯҳбат бо мо иброз дошт, хушнуд аз он аст, ки нисбат ба кӯдакон ва хонандагони имконияти маҳдуд доранд, чунин чорабинии гуворро ва хотирмон доир карда шуд. Тавре бузургон мефармоянд:
Гар ятимеро касе гирён кунад,
Молик андар дузахаш бирён кунад.
Ҳарки хандонад ятими хастаро,
Боз ёбад ҷаннати дарбастаро.

Бояд зикр намуд, ки дар ин чорабинӣ дар чеҳраҳои ин кӯдакон ханда танинандоз буда, онҳо бо ҳам рақсу сурудхонӣ менамуданд.
Ҳамчунин, дар хотимаи чорабинии фарҳангӣ барои тамоми тарбиягирандагон шириниҳо тақдим карда шуд.
Тоҷиддин Латипов 


Шарҳҳо  

 
0 #1 Давлатзода 2017-04-10 12:10
Бошад, ки сафи чунин чавонони Пешоханг зиёд гардад. Рахимзода Рамазон бисёр шахси кордонанд, вале ин икдомохояш олитараст. Ахсан ба Шумо вазири мухтарам ва чавонони Пешоханг...!
Quote
 

Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Паёми имсолаи Президент дар бораи самтҳои асосии сиёсати дохилӣ ва хориҷии мамлакат баъди ҷашни чорякасраи истиқлолияти давлатии Тоҷикистон, яъне дар даврае пешниҳод мегардад, ки кишвари азизи мо ба марҳалаи нави рушд ворид гардида, мардуми шарифи Тоҷикистон ба сӯи ояндаи ободу осуда бо қадамҳои устувор пеш меравад.Дар зарфи бисту панҷ сол мо ба шарофати заҳмати софдилонаи халқамон дар роҳи таъмин намудани рушди сиёсиву иқтисодӣ ва иҷтимоиву фарҳангии кишвар ба натиҷаҳои назаррас ноил гардидем.Мо ҳамаи ин корҳоро ба хотири таҳкими пояҳои истиқлолияти давлатиамон анҷом додем.Зеро озодиву истиқлолият бароямон дастоварди бузургтарин ва ғояи муқаддаси миллӣ буда, мо бо вуҷуди мушкилоти ҷойдошта барои ҳимоя ва пойдору устувор мондани он минбаъд низ тамоми саъю талоши худро равона ....>>>

Барномаи ислоҳоти милитсия


Барномаи ислоҳоти (рушди) милитсия барои солҳои 2014-2020 (минбаъд - Барнома) ҳуҷҷати асосии барномавии миёнамўҳлат буда, мақсадҳои стратегӣ, вазифа ва самтҳои асосии ислоҳоти (рушди) милитсияро муайян менамояд. Барнома дар асоси моддаи 7 Қонуни Ҷумҳурии Тоҷикистон   Муфассал >>>

Низомномаи Шӯрои ҷамъиятӣ

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин
  Муфассал >>>

Стратегия


Стратегияи ислоҳоти милитсия барои солҳои 2013 - 2020 (минбаъд - Стратегия) ба меъёрҳои Конститутсияи (Сарқонуни) Ҷумҳурии Тоҷикистон асос ёфта, ҳадафҳо, афзалият ва тадбирҳоро оид ба ислоҳот ва рушди милитсия муайян намуда, амалҳоеро, ки Ҳукумати Муфассал >>>

Кодекси одоби касбии корманди милитсия


Кодекси одоби касбии корманди милитсия ин маҷмӯи қоидаҳои рафтори корманди милитсия мебошад, ки бо мақсади муқаррар намудани қоидаҳои рафтори хизматӣ ва ғайрихизматии корманди милитсия (минбаъд корманд), мусоидат намудан, ҷиҳати баланд  Муфассал >>>

Кодекси одоби касбии корманди милитсия ин маҷмӯи қоидаҳои рафтори корманди милитсия мебошад, ки бо мақсади муқаррар намудани қоидаҳои рафтори хизматӣ ва ғайрихизматии корманди милитсия (минбаъд корманд), мусоидат намудан, ҷиҳати баланд бардоштани обрӯ ва эътибори корманд, боварии шаҳрвандон ба мақомоти корҳои дохилии Ҷумҳурии Тоҷикистон ва таъмини меъёрҳои ягонаи рафтори корманд қабул карда шудааст

Қонуни Ҷумҳурии Тоҷикистон «Дар бораи политсия»

Лоиҳаи Қонуни Ҷумҳурии Тоҷикистон «Дар бораи политсия» аз ҷониби Гурӯҳи кории дохилиидоравӣ бо ҷалби коршиносони дохиливу хориҷӣ, ҷомеаи шаҳрвандӣ, ҳизбҳои сиёсӣ, олимони соҳаи ҳуқуқ ва кормандони амалии  Муфассал >>>

Кофтуков


© 2017 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад