Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрӣ бо ҷавонони ноҳияи Рӯдакӣ

Бо мақсади баланд бардоштани маърифату маданияти ҷавонон, ифтихори миллию ҳисси ватандӯстӣ, саҳм гузоштан дар ободию пешрафти диёр, пешгирии шомилшавии ҷавонон ба гурӯҳ ва ҳаракатҳои ғайриқонунии хусусияти террористию экстремистидошта, дар Қасри фарҳанги ноҳияи Рӯдакӣ ҷамъомади васеъ баргузор гардид.
Дар ин ҷамъомад сардори ШВКД-1 дар ноҳияи Рӯдакӣ полковники милитсия Саидаҳмад Маҳмадҷонзода, муовини раиси ноҳияи Рӯдакӣ Фирӯза Камолова, Прокурори ноҳия Муҳаммадвалӣ Шаҳидуллозода, аъзоёни гурӯҳи «Пешоҳанг» ва ҷавонони фаъоли ноҳия иштирок намуданд.


Зимни суханронӣ, аз ҷониби баромадкунандагон қайд карда шуд, ки дар ҷаҳони муосир таҳдиди хатарҳои гуногуни глобалӣ пайдо гардидааст. Кишварҳои зиёд, аз қабили Афғонистон, Ливия, Сурия, Судон, Ироқ ва дигарон гирифтори бозиҳои давлатҳои абарқудрат гардида, ҷангу низоъҳо боиси марги ҳазорон одамони бегуноҳу қашшоқию вазъи беҳуқуқӣ гардидаанд. Боиси таассуф аст, ки бархе аз ҷавонони ноогоҳи Ватани азизи мо низ ба доми фиреби тарғиботчиёни гурӯҳҳои ифротию ҷангҷӯ афтода, ҳаёти худу наздиконашонро ба хатар мегузоранд. Сабабу омилҳои асосии шомилшавии ҷавононро коршиносон дар бемаърифатӣ, зудбоварӣ ва ноогоҳии сиёсӣ медонанд.
Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҷавонон ҳамеша диққати махсус зоҳир намуда, дар Паёми навбатиашон ба Маҷлиси Олӣ соли 2017-ро «Соли ҷавонон» эълон намуданд, ки ин иқдом аз тарафи ҷомеаи кишвар ҷонибдорӣ ёфт.


Ҷавонон ояндасози давлату миллати хеш буда, онҳоро зарур аст, ки дар рӯҳияи ватандӯстию хештаншиносӣ тарбия ва инкишоф ёфта, арзишҳои миллӣ ва муқаддасоти Ватани хешро ҳифз намоянд.
Дар хотима, миёни иштирокчиён сӯҳбати озоду самимӣ баргузор гардида, ҷавонон оид ба ҳалли мушкилоти ҷойдошта, саҳм гузоштан ба пешрафт ва рушди ҷомеа, расидан ба қадри обу хоки Ватани азиз ибрози назар намуданд.
Хусрав Солеҳов, Низомиддин Ҷумаев.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Паёми имсолаи Президент дар бораи самтҳои асосии сиёсати дохилӣ ва хориҷии мамлакат баъди ҷашни чорякасраи истиқлолияти давлатии Тоҷикистон, яъне дар даврае пешниҳод мегардад, ки кишвари азизи мо ба марҳалаи нави рушд ворид гардида, мардуми шарифи Тоҷикистон ба сӯи ояндаи ободу осуда бо қадамҳои устувор пеш меравад.Дар зарфи бисту панҷ сол мо ба шарофати заҳмати софдилонаи халқамон дар роҳи таъмин намудани рушди сиёсиву иқтисодӣ ва иҷтимоиву фарҳангии кишвар ба натиҷаҳои назаррас ноил гардидем.Мо ҳамаи ин корҳоро ба хотири таҳкими пояҳои истиқлолияти давлатиамон анҷом додем.Зеро озодиву истиқлолият бароямон дастоварди бузургтарин ва ғояи муқаддаси миллӣ буда, мо бо вуҷуди мушкилоти ҷойдошта барои ҳимоя ва пойдору устувор мондани он минбаъд низ тамоми саъю талоши худро равона ....>>>

Барномаи ислоҳоти милитсия


Барномаи ислоҳоти (рушди) милитсия барои солҳои 2014-2020 (минбаъд - Барнома) ҳуҷҷати асосии барномавии миёнамўҳлат буда, мақсадҳои стратегӣ, вазифа ва самтҳои асосии ислоҳоти (рушди) милитсияро муайян менамояд. Барнома дар асоси моддаи 7 Қонуни Ҷумҳурии Тоҷикистон   Муфассал >>>

Низомномаи Шӯрои ҷамъиятӣ

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин
  Муфассал >>>

Стратегия


Стратегияи ислоҳоти милитсия барои солҳои 2013 - 2020 (минбаъд - Стратегия) ба меъёрҳои Конститутсияи (Сарқонуни) Ҷумҳурии Тоҷикистон асос ёфта, ҳадафҳо, афзалият ва тадбирҳоро оид ба ислоҳот ва рушди милитсия муайян намуда, амалҳоеро, ки Ҳукумати Муфассал >>>

Лоиҳаи Кодекси одоби корманди политсия


Кодекси одоби касбии корманди политсияи Ҷумҳурии Тоҷикистон (минбаъд-Кодекс), маҷмӯи қоидаҳои рафтори корманди политсия мебошад, ки ҳадди муошират, қоидаҳои рафтори хизматӣ ва ғайрихизматӣ, ки аз санадҳои меъёрии ҳуқуқии Ҷумҳурии Тоҷикистон, арзишҳои Муфассал >>>

Лоиҳаи Қонун дар бораи политсия


Қонуни мазкур мафҳумҳои асосӣ, сохтори ташкиливу ҳуқуқӣ, самтҳои асосӣ ва принсипҳои фаъолият, сохтори политсияи Вазорати корҳои дохилии Ҷумҳурии Тоҷикистон, мавқеи он дар низоми мақомоти иҷроияи марказии ҳокимияти давлатӣ, ҳамкорӣ бо ҷомеа, тартиби қабул Муфассал >>>

Кофтуков


© 2017 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад