Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Шунавандагони факултети №3 Академияи ВКД аз Осорхонаи Вазорати корҳои дохилӣ дидан намуданд

248

Бо мақсади баланд бардоштани маърифати фарҳангӣ, эҳсоси хештаншиносӣ ва огаҳӣ пайдо намудан аз таърихи мақомоти корҳои дохилӣ шунавандагони соли якуми факултети №3 Академияи ВКД Ҷумҳурии Тоҷикистон, дар доираи нақша-чорабиниҳои фарҳангии факултет, ба тамошои Осорхонаи ВКД, воқеъ дар шаҳри Душанбе сафарбар карда шуданд.

Дар ҷараёни тамошои Осорхона шунавандагонро сардори факултети №3, н.и.ҳ. майори милитсия Амрудинзода Муҳридин Амрудин ҳамроҳӣ намуд.
Дар баробари ворид гардидан ба Осорхонаи ВКД шунавандагонро ҳайати кормандони Осорхона пешвоз гирифта, то анҷоми тамошо роҳбаладӣ намуда, таърихи пайдоиши Осорхона, ҷамъоварии маводҳои таърихӣ ва созмондиҳии ҳар як гӯшаро тавсиф намуданд. Тавре шоҳид гаштем, бо ташаббуси Вазири коҳои дохилӣ генерал-полковники милитсия Раҳимзода Рамазон Ҳамро Осорхонаи мазкур таъмир карда шуда, ба он лавҳаю гӯшаҳои нав аз ҳаёту фаъолияти родмардони милитсия, аввалин дастаҳои ихтиёрии милитсия, чорабиниҳои расмӣ ва ҳарбии ин мақомоти бонуфуз пурра гардонида шудааст.

249

Дар яке аз гӯшаҳои Осорхона акс ва ному насаби Вазирони собиқи Вазорати корҳои дохилӣ ҷой дода шудааст, ки онҳо як қисмати таърихи мақомоти корҳои дохилиро ташкил менамоянд. Зери роҳбарии ин нафарон мақомоти корҳои дохилӣ дар марҳилаҳои гуногуни таърихӣ фаъолият намудааст ва барои халқу миллати тоҷик хизматҳои шоён намудаанд. Қисмати дигари диққатҷалбкунандаи Осорхона ба фаъолияти кормандони Хадамоти оташнишонии ВКД бахшида шудааст. Ҳамчунин дар Осорхона намунаҳои ҳуҷҷатҳои хизматии кормандони милитсия, либосҳои низомии ҳайати роҳбарикунанда, миёна ва қатории милитсия, китобу нашриётҳои пурмазмун аз ҳаёту фаъолияти кормандони милитсия ҷой дода шудааст.
Шунавандагони №3 Академияи ВКД, ки кормандони амалии мақомоти корҳои дохилӣ буда, дар гӯшаву канори гуногуни кишварамон фаъолият мебаранд ва на ҳамеша имконият доранд аз чунин ҷойҳои таърихӣ дидан намоянд аз тамошои Осорхона ба худ як ҷаҳон маънӣ бардоштанд.
Солеҳзода Ф.Ф., Саида Сафарова.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика