Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Масоили мубрами мубориза бар зидди экстремизм аз нигоҳи ҷавонон

Рӯзҳои 31-уми октябр то 2-юми ноябри соли 2017 бо ташаббуси кафедраи фанҳои давлатӣ-ҳуқуқии факултети №2-и Академияи Вазорати корҳои дохилӣ дар маҷлисгоҳи Шӯрои олимони Академияи мазкур бахшида ба 23-юмин солгарди Конститутсияи Ҷумҳурии Тоҷикистон ва “Соли ҷавонон” эълон гардидани соли 2017 Форуми ҷумҳуриявии донишҷӯён дар мавзӯи «Масоили ҳалталаб оид ба муайян намудани мафҳуми экстремизм дар меъёрҳои байналмилалӣ ва қонунгузории Ҷумҳурии Тоҷикистон» баргузор гардид.
Форуми мазкур бо кӯмаки молиявии Анҷумани ҳуқуқшиносони Амрикоӣ (АБА РОЛИ) доир гардида, дар кори он донишҷӯён ва омӯзгорони 5 донишгоҳ ва донишкадаҳои олии ҷумҳурӣ дар ҳайати 35 нафар фаъолона ширкат варзиданд.
Кори Форуми ҷумҳуриявиро бо сухани табрикотӣ роҳбарияти Академияи ВКД Ҷумҳурии Тоҷикистон кушода, меҳмонон ва иштирокчиёни онро хайру мақдам гуфтанд.

Мақсад аз баргузор намудани Форум - муайян намудани камбудиҳои қонунгузорӣ дар самти муқовимат ба экстремизм ва пешниҳод намудани хулосаҳои илман асоснок дар мукаммал сохтани қонунгузорӣ иборат буд.
Дар Форуми мазкур масъалаҳои зерин мавриди баррасӣ қарор дода шуданд: асосҳои назариявии муқовимат ба экстремизм; проблемаҳо ва мулоҳизаҳо оид ба мафҳуми экстремизм дар меъёрҳои байналмилалӣ; андешаҳо оид ба асосҳои конститутсионии муқовимат ба экстремизм; масоили мубрам оид ба табиати ҳуқуқии экстремизм дар қонунгузории Ҷумҳурии Тоҷикистон.
Дар анҷоми кори Форум аз тарафи иштирокчиён як қатор таклифҳои судманд пешниҳод карда шуд.
Сафаров Ҳ.С. подполковники милитсия,
Ҳайдарзода М.П. капитани милитсия.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика