Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Маводи мухаддир яке аз сарчашмаҳои асосии терроризм

18-уми апрели соли равон дар Академияи Вазорати корҳои дохилӣ семинар-машварати илмӣ дар мавзӯи «Муомилоти ғайриқонунии маводи мухаддир яке аз сарчашмаҳои асосии маблағгузории терроризми байналмилалӣ» баргузор гардид. 

Семинари мазкурро бо сухани муқаддимавӣ муовини аввали сардори Академияи ВКД генерал-майори милитсия Кабирзода Ҷ.Ҳ. оғоз намуда, қайд кард, ки дар кулли дунё тамаддунҳои мухталиф бар зидди гардиши ғайриқонунии маводи нашъаовар мубориза мебаранд ва кӯшиш мекунанд, то дастрасиро ба он маҳдуд намоянд. Аз ҷониби Ҳукумати Ҷумҳурии Тоҷикистон як қатор санадҳои қонунгузорӣ тасдиқ шудаанд, ки Стратегияи миллии мубориза бар зидди гардиши ғайриқонунии маводи муҳаддир дар Ҷумҳурии Тоҷикистон  барои солҳои 2013-2020 ва Стратегияи  миллии Ҷумҳурии Тоҷикистон оид ба пешгирӣ ва мубориза бо экстремизми зӯроварона ва тундгароии батерроризмбаранда барои солҳои 2016-2020 аз ҷумлаи онҳо мебошанд. 

Ҳамчунин дар чорабинии мазкур полковники милитсия Асламов Б.С. – муовини сардори факултети №2-и Академияи мазкур бо маърӯза дар мавзӯи «Хусусиятҳои мубориза бар зидди гардиши ғайриқонунии маводи мухаддир аз ҷониби ВКД Ҷумҳурии Тоҷикистон: проблема ва дурнамо», майори милитсия Нажбудинов М.А., – сардори кафедраи ҳуқуқи ҷиноятӣ, криминология ва психологияи факултети №2, номзади илмҳои ҳуқуқ, дар мавзӯи «Нашъамандӣ ҳамчун вабои аср», полковники милитсия Толеҳзода А.Т. – сардори шуъбаи Раёсати мубориза бар зидди гардиши ғайриқонунии маводи мухаддири ВКД, дар мавзӯи «Муомилоти ғайриқонунии маводи мухаддир сарчашмаи асосии маблағгузории терроризм» баромад намуда, фикру андешаҳои худро иброз доштанд.

Дар ин радиф, сардори шуъбаи пешгирии нашъамандии Муассисаи давлатии Маркази миллии мониторинг ва пешгирии нашъамандии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Холов М. дар мавзӯи «Вазъи нашъамандӣ дар Ҷумҳурии Тоҷикистон» ва лейтенанти калони милитсия Қурбонов Ф.Н. – омӯзгори кафедраи такмили ихтисоси факултети №3, дар мавзӯи «Мафҳум ва шаклҳои терроризм, пайдоиш, хавфнокӣ ва ташкили мубориза бар зидди терроризм» маърӯза намуданд.

Дар хотимаи семинар-машварати илмӣ байни иштирокчиён муҳокимарониҳо сурат гирифта, таклифу пешниҳодҳои судманд иброз гардид.

Каримова Л.М., подполковники милитсия,

Хабирова Т.А., майори милитсия.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun1

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика