Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҷавонон сиёсати Пешвои миллатро ҷонибдорӣ менамоянд

Рӯзи 18-уми апрели соли 2017 бо ташаббуси гурӯҳи ҷавонони «Авангард» бахшида ба «Соли Ҷавонон» дар Донишкадаи идоракунии давлатии назди Президенти Ҷумҳурии Тоҷикистон Мизи муддавар дар мавзӯи «Ҷавонон сиёсати Пешвои миллатро ҷонибдорӣ менамоянд» доир гардид.

Сараввал бо сухани ифтитоҳӣ Ректори Донишкадаи идоракунии давлатии назди Президенти Ҷумҳурии Тоҷикистон Абдулхолиқзода Лутфия Абдулхолиқ баромад намуда, меҳмононро хайра мақдам гуфт. Зикр гардид, ки ҷавонони зодаи истиқлол ҳамаҷониба сиёсати хирадмандонаи Пешвои миллатро ҷонибдорӣ менамоянд.
Дар ҷараёни Мизи мудаввар намояндаи Вазорати корҳои дохилӣ полковники милитсия Бухоризода Мансур Ғоиб оид ба фаъолияти гурӯҳи ҷавонони «Авангард» баромад намуда, иброз дошт, ки мақсади ин гурӯҳ боз ҳам баланд бардоштани ҳисси ватандӯстии ҷавонон ва пешгирӣ аз ҷинояту ҷинояткорӣ дар байни ҷавонон мебошад. Мақомоти корҳои дохилӣ дар ҳамкорӣ бо ҷавонони фаъол пайваста бо ҷомеаи шаҳрвандӣ сӯҳбату вохӯриҳо ташкил намуда, дар самти пешгирии шомилшавии ҷавонон ба гурӯҳҳои террористию экстремистӣ тадбирҳои мушаххас меандешад.

Дар рафти чорабинӣ Бухоризода Мансур Ғоиб аз номи Вазири корҳои дохилии Ҷумҳурии Тоҷикистон генерал-лейтенанти милитсия Раҳимзода Рамазон Ҳамро барои саҳми назарррас гузоштан дар татбиқи сиёсати давлатии ҷавонон ва ҳамкории мутақобилан судманд бо мақомоти милитсия Абдулхолиқзода Лутфия Абдулхолиқ ва Рабизода Тақдиршоҳро бо Ифтихорномаҳои фахрӣ сарфароз гардонид.

Сипас, роҳбари гурӯҳи ҷавонони "Авангард" Мардихудо Давлатов дар мавзӯи «Дастовардҳои ҷавонон ва эълон гардидани соли 2017 ҳамчун «Соли Ҷавонон» аз ҷониби Пешвои миллат», Наврузбек Хурамзода - корманди ТВ Тоҷикистон, аъзоёни фаъоли гурӯҳи «Авангард» Иззатулло Музаффаров ва Муминова Хайринисо дар мавзӯи «Ваҳдати миллӣ» баромад карданд.

Инчунин аъзои фаъоли гурӯҳи «Авангард» аз Донишгоҳи давлатии Қурғонтеппа ба номи Носири Хусрав Эмомалӣ Набиев дар мавзӯи «Ташаббусҳои Пешвои миллат дар самти оби тоза дар ҷаҳон» маърӯза намуд.
Дар фарҷоми мизи муддавар курсантоини Академияи Вазорати корҳои дохилӣ доир ба пешгирии ҷавонон аз шомилшавӣ ба гурӯҳҳои иртиҷоӣ фикру андешаҳои худро иброз доштанд.
Гул Маҳбуба


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика