Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрӣ оид ба пешгирии зуҳуроти номатлуби замони муосир дар ноҳияи Восеъ

Кормандони Шӯъбаи Вазорати корҳои дохилӣ дар ноҳияи Восеъ ба хотири ҳимояи амният, ваҳдати миллӣ, сулҳу субот, волоияти қонун ва оромиву осудагӣ, бо аҳли ҷамоатчигии ноҳияи мазкур дар мавзӯи «Терроризм - хатар ба инсоният» машварати корӣ доир намуданд.

Дар ин ин ҷамъомад Раиси ноҳияи Восеъ, муовини сардори Раёсати Вазорати корҳои дохилӣ дар вилояти Хатлон полковники милитсия Нозимзода Файзулло, кормандони милитсия, инчунин фаъолони ноҳия, роҳбарони корхонаҳо, муассиса, ташкилотҳо, раисони ҷамоатҳо ва маҳаллаҳо ширкат варзиданд.
Раиси ноҳияи Восеъ Ғафурзода Мусо чорабиниро ҳусни оғоз бахшида, қайд кард, ки мақсад аз баргузории ҷамъомад, пешгирии ҷинояту ҷинояткорӣ, шомилшавии шаҳрвандон ба ҳизбу ҳаракатҳои ифротӣ, ба роҳи рост ҳидоят намудани ҷавонон, омӯхтани илму дониш ва арҷгузорӣ ба арзишҳои миллӣ ба ҳисоб меравад.
«Мавриди зикр аст, ки солҳои охир терроризм ва экстремизм ба хатари бузург табдил ёфта, ҷаҳони муосиро ба ташвиш овардааст. Дар ноҳияи Восеъ шаҳрвандоне ба қайд гирифта шудаанд, ки имрӯзҳо аз гумроҳӣ дар низоъҳои мусаллаҳонаи давлатҳои хориҷӣ иштирок доранд», - чунин иброз дошт, зимни баромад Нозимзода Файзулло.

Зикр гардид, ки имрӯз дар саросари ҷаҳон мавзӯи терроризм ва экстремизм ҳамаро ба ташвиш овардааст, ки инро ҷомеаи ҷаҳонӣ маҳкум мекунад. 

Мавсуф дар хотимаи суханронӣ аз ҳамагон даъват ба амал овард, ки ҷиҳати пешгирии гаравидани шаҳрвандон, алалхусус ҷавонон ба ҳар гуна ҳизбу ҳаракатҳои ғайриқонунии экстремистӣ ва иштироки онҳо дар задухурдҳои мусаллаҳонаи дигар давлатҳо ва баҳри бартараф намудани ин зуҳуроти номатлуб муборизаи дастаҷамъона бурда, бетараф набошанд.
Офоқи Қодириён 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика