Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Азнавсозии биноҳои шуъбачаи БДА ва Хадамоти шиносномавию бақайдгирии ШВКД дар шаҳри Роғун

11

Дар партави сиёсати хирадмандона ва бунёдкоронаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳафтаи сипаригардида бо иштироки муовини Вазири корҳои дохилӣ генерал-майори милитсия Саидзода Маҳмадсаид Борон биноҳои Шӯъбачаи бозрасии давлатии автомобилӣ ва Хадамоти шиносномавию бақайдгирии ШВКД дар шаҳри Роғун баъди азнавсозии пурра мавриди баҳрабардорӣ қарор гирифтанд.

12

Мавриди қайд аст, ки биноҳои Шӯъбачаи бозрасии давлатии автомобилӣ ва Хадамоти шиносномавию бақайдгирии ШВКД дар шаҳри Роғун аз ду ошёна ва 8 утоқи корӣ иборат буда, бо тамоми таҷҳизоти замонавӣ муҷаҳҳаз гардонида шудаанд.

Биноҳои мазкур бо дастгирии роҳбарияти Вазорати корҳои дохилӣ, мақомоти иҷроияи ҳокимияти давлатии шаҳри Роғун ва соҳибкорони ватандӯст пурра таъмиру азнавсозӣ гардиданд.

13141516

Зимни боздид муовини Вазири корҳои дохилӣ генерал-майори милитсия Саидзода Маҳмадсаид Борон аз сатҳу сифати корҳои анҷомдодашуда изҳори қаноатмандӣ намуда, зикр кард, ки дар доираи ислоҳоти милитсия бо дастгириҳои ҳамаҷонибаи Пешвои миллат муҳтарам Эмомалӣ Раҳмон ва саъю кӯшиши роҳбарияти Вазорати корҳои дохилӣ барои кормандони милитсия тамоми шароитҳои хизматӣ фароҳам оварда шуда истодааст.
Кормандони милитсия аз ин ғамхорию дастгириҳо рӯҳу илҳоми тоза гирифта, вазифа ва масъулияти ба душ доштаашонро содиқона ва софдилона ба нафъи давлату миллат иҷро менамоянд.
Дар анҷоми чорабинӣ ба нафароне, ки дар навсозӣ ва таъмиру таҷдиди биноҳои Шӯъбачаи бозрасии давлатии автомобилӣ ва Хадамоти шиносномавию бақайдгирии ШВКД дар шаҳри Роғун саҳми арзишманд гузоштаанд, аз ҷониби муовини Вазири корҳои дохилӣ генерал-майори милитсия Саидзода Маҳмадсаид Борон бо Сипоснома ва Ифтихорномаҳо сарфароз гардонида шуданд.

Гул Маҳбуба, подполковники милитсия.

 

 

 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика