Вазири корҳои дохилии Ҷумҳурии Тоҷикистон генерал-полковники милитсия Раҳимзода Рамазон Ҳамро барои иштирок дар 87-умин ҷаласаи Ассамблеяи генералии “Интерпол” ба шаҳри Дубайи Аморати Муттаҳидаи Араб сафар намуд.
Ҷаласаи 87-уми Ассамблеяи генералии “Интерпол” рӯзҳои 18-21-уми ноябри соли 2018 дар шаҳри Дубайи Аморати Муттаҳидаи Араб бо иштироки намояндагон аз 136 давлат баргузор гардида истодааст.
Дар ин ҷаласа масъалаҳои таҳдидҳои замони муосир ба мисли терроризм, экстремизм, гардиши ғайриқонунии маводи мухаддир, қонунигардонии маблағҳои бо роҳи ҷиноят ба даст омада ва дигар масоили мубрам мавриди баррасӣ қарор дода мешаванд.
Дар ҷараёни ҷаласа омӯзиши системаи махсуси ҳамкории давлатҳои аъзоро Котиби генералии "Интерпол" Юрген Шток муаррифӣ намуд.
Инчунин дар рафти ҷаласа вохӯриҳои дуҷонибаи Вазири корҳои дохилии Ҷумҳурии Тоҷикистон генерал-полковники милитсия Раҳимзода Рамазон Ҳамро пешбинӣ гардидааст.
Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>
