Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Оғози мусобиқаи байналмилалии шиноварӣ дар шаҳри Хуҷанд

398

21-уми июни соли 2018 дар «Қасри шиноварӣ»-и шаҳри Хуҷанд бахшида ба Истиқлолияти давлатии Тоҷикистон мусобиқаи байналмилалӣ оид ба шиноварӣ оғоз ёфт.
Дар ин мусобиқа, ки бори аввал дар чунин сатҳ дар кишвари мо баргузор мегардад беш аз 80 нафар шиноварон аз 8 кишвари дӯсту ҳамсоя иштирок доранд. Дар маросими кушодашавии мусобиқаи байналмилалии шиноварӣ Раиси вилояти Суғд Раҷаббой Аҳмадзода, намояндагони Федератсияи миллии шиноварии Ҷумҳурии Тоҷикистон, Кумитаи олимпии Ҷумҳурии Тоҷикистон, Кумитаи кор бо ҷавонон ва варзиши назди Ҳукумати Ҷумҳурии Тоҷикистон иштирок ва суханронӣ намуда, баргузории мусобиқаи бонуфузро шаҳодатгари таваҷҷуҳи Роҳбарияти олии кишвар ба рушди варзиш арзёбӣ карданд. Гуфта шуд, ки ин намуди варзиш, ки ба саломатии инсон фоида дорад, сол аз сол дар кишвари мо рушду нумуъ ёфта истодааст.

399

Аз ҷониби Федератсияи миллии шиноварии ҷумҳурӣ заминаи мусоид фароҳам оварда шудааст то ин, ки шиноварони болаёқат ба камол расанд. Ташкили чунин мусобиқаҳои сатҳи баланд фаъолияти назарраси Федератсияро бозгӯ менамояд.
Қасри шиноварии шаҳри Хуҷанд баъди таъмиру азнавсозӣ ба стандартҳои байналхалқии варзишӣ мутобиқ карда шуда, аз ҷониби варзишгарон ба шароити фароҳамгардида ва ташкили мусобиқа баҳои баланд дода шуд.
Дар маросими расмии мусобиқа дастаи шиноварони Тоҷикистон, Ӯзбекистон, Қазоққистон, Қирғизистон, Туркманистон, Россия ва Беларусия иштирок доштанд. Пеш аз оғози мусобиқа ба шиноварон барномаи фарҳангӣ намоиш дода шуд.
Мақсади асосии баргузории мусобиқа баланд бардоштани малакаи касбии варзишгарон, мустаҳкам намудани робитаи дӯстӣ бо кишварҳои ҳамсоя ва омода намудани шиноварон ба мусобиқаҳои бонуфӯзи байналхалқӣ мебошад.

400401402

Рӯзи аввали мусобиқа варзишгарон барои дарёфти мақомҳои фахрӣ аз намудҳои «брас», «батерфлай», «пуштноки шинокунӣ» ва «эстафета» дар масофаҳои 50, 100, 200 метр ва аз ин бештар байни ҳам рақобат карданд.
Ёдрас мешавем, ки мусобиқаи байналмилалӣ оид ба шиноварӣ то санаи 23-юми июн идома меёбад ва ғолибону ҷоизадорон муайян гардида, аз ҷониби Федератсияи миллии шиноварии Ҷумҳурии Тоҷикистон бо туҳфаҳои хотиравӣ қадрдонӣ карда мешаванд.
Акбар Шарифов


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика