Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Чорабинии идона бахшида ба Рӯзи милитсияи тоҷик

Ба муносибати таъсисёбии Рӯзи милитсияи тоҷик дар толори бинои Филармонияи давлатии Тоҷикистон ба номи Акашариф Ҷураев бо иштироки Сарвазири Ҷумҳурии Тоҷикистон Қоҳир Расулзода, Вазири корҳои дохилӣ генерал-полковники милитсия Раҳимзода Рамазон Ҳамро, роҳбарону намояндагони сохторҳои қудратӣ ва корхонаву идораҳои давлатии кишвар, шоирону нависандагон, аҳли фарҳанг ва доираи васеи меҳмонону кормандони милитсия чорабинии бошукӯҳ баргузор гардид.

Чорабинии идонаро Сарвазири Ҷумҳурии Тоҷикистон Қоҳир Расулзода бо Паёми табрикотии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба муносибати Рӯзи таъсисёбии милитсияи тоҷик оғоз намуда қайд кард, ки милитсияи Тоҷикистон аз замони таъсисёбӣ то ба имрӯз ҳамеша посдори сулҳу субот, оромиву осоиштагии мардум, тартибу низом ва кафили боэътимоди давлату миллат ба шумор меравад.

Сипас Сарвазири Ҷумҳурии Тоҷикистон Қоҳир Расулзода аз номи Раёсати Ҳукумати Ҷумҳурии Тоҷикистон ба Вазири корҳои дохилӣ генерал-полковники милитсия Раҳимзода Рамазон Ҳамро барои саҳми беандоза гузоштанаш дар корҳои ободониву созандагӣ ва дар симои роҳбари аввали мақомоти корҳои дохилӣ ба кулли кормандони милитсия арзи сипос намуда қайд кард, ки бинои Филармонияи давлатии Тоҷикистон ба номи Акашариф Ҷураев, ки солҳо боз таъмирро надида буду дар ҳолати начандон хуб қарор дошт, бо заҳмати шумо кормандони милитсия ба чунин толори зебову барҳаво табдил ёфтааст, ки ин ҳам бошад барои мардуми шарифи Тоҷикистон, аҳли санъату фарҳанг тӯҳфаи арзанда мебошад.

Дар идомаи чорабинии бошукӯҳ Вазири корҳои дохилӣ генерал-полковники милитсия Раҳимзода Рамазон Ҳамро ба Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Сипосномаи ҳайати шахсии мақомоти корҳои дохилиро ироа намуда зикр кард, ки ҳайати шахсии мақомоти корҳои дохилӣ ба Сарвари давлат барои дастгириву ғамхориҳои пайваста нисбати кормандони милитсия, собиқадорону нафақахӯрон ва наздикону пайвандони онҳо миннатдории худро изҳор менамоянд.

Инчунин қайд кард, ки мо кормандони мақомоти корҳои дохилӣ бо итминони том гуфта метавонем, ки баҳри ҳифзи оромиву осоиштагӣ, амнияту болидахотирии мардуми кишвар, таъмини тартиботи ҷамъиятӣ, волоияти қонун донишу малакаи касбии худро амалӣ намуда, вазифаҳои дар наздамон гузошташударо сарбаландона иҷро менамоем. Ба давлату миллат ва Президенти худ ҳамеша содиқ будем, ҳастем ва хоҳем монд.

Дар идомаи чорабинии бошукӯҳ аҳли фарҳанг, ҳунармандону сарояндагони ансамбли созӣ-овозии «Сипар», курсантони Академияи ВКД шеърҳо аз маҷмӯаи «Парчами нанг», «Интихоби Пешво», «Ҳомии Ватан», «Пешвои муаззам», «Васфи Ватан» ва дигар сурудҳои ҷазобу дилкашро сароиданд. Инчунин ҳунарпешагон ва гурӯҳи рақсии балети Театри давлатии академии опера ва балети ба номи Садриддин Айнӣ, гурӯҳи дуторнавозон, ҳунармандони гурӯҳи рақсии ансамбли «Зебо», ансамбли давлатии хизматнишондодаи рақсии «Лола», ансамбли «Ҷаҳоноро», ансамбли рақсии «Парасту», ансамбли рақсии «Чаман» ва ансамбли рақсии «Гулрез» бо ҳунари волои худ хотири ҳозиринро болида намуданд. Дар чорабинии идона сарояндагон ва ҳунарпешагон Шуҳрат Сайнаков, Татьяна Батвинкина, Анисаи Меликмурод, Фирдавс Ҳошимов, Ҷумахон Сафаров, Садриддини Наҷмиддин, Ғизол Иноят, ҳунарпешаи халқии Тоҷикистон Афзалшо Шодиев ва дигар чеҳраҳои намоёни санъати тоҷик суруду таронаҳои дилнишини худро пешкаши ҳозирин намуданд.
Дар фарҷоми чорабинии идона Сарвазири Ҷумҳурии Тоҷикистон Қоҳир Расулзода ба аҳли фарҳанг дастагули тару тоза тақдим намуда, барои баргузор намудани чунин чорабинии идона изҳори сипос ва минатдорӣ кард.
Раҷаббек Илёсов


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика