Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Кушодашавии Шӯъбачаи минтақавии милитсияи Даштиҷум

Дар доираи сафари кории Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ноҳияи Шамсиддин Шоҳини вилояти Хатлон ва вусъат ёфтани корҳои ободонию созандагӣ маросими ифтитоҳи Шӯъбачаи минтақавии милитсияи Даштиҷуми ШВКД дар ноҳияи Шамсиддин Шоҳин бо иштироки Вазири корҳои дохилӣ генерал-полковники милитсия Раҳимзода Рамазон Ҳамро, ҳайати шахсии шӯъбаи мазкур ва аҳли ҷамоатчигӣ баргузор гардид.

Вазири корҳои дохилӣ аз қисми навбатдорӣ, ҳуҷраҳои корӣ ва дигар шароитҳои хизматии Шӯъбачаи минтақавии милитсияи Даштиҷум дидан карда, аз сатҳу сифати корҳои анҷомдодашуда изҳори қаноатмандӣ кард.
Зикр гардид, ки Пешвои миллат ва Ҳукумати Ҷумҳурии Тоҷикистон барои беҳтар намудани шароити корӣ ва баланд бардоштани вазъи иқтисодию иҷтимоии кормандони милитсия таваҷҷӯҳи хоса зоҳир намуда, ҳамасола дар қаламрави ҷумҳурӣ даҳҳо минтақаҳои маъмурии милитсия, ҳуҷраҳои нозирони минтақавӣ ва дигар бинову иншоотҳои мақомоти корҳои дохилӣ бо тарзи замонавӣ сохта ба истифода дода мешаванд.
Дар ҷавоб ба ин ғамхорию таваҷҷӯҳи Сарвари давлат кормандони мақомоти корҳои дохилӣ бояд пайваста малакаю маҳорати худро такмил дода, бо ҷинояту ҷинояткорӣ оштинопазир бошанд.

Дар ҷараёни чорабинӣ Вазири корҳои дохилӣ генерал-полковники милитсия Раҳимзода Рамазон Ҳамро ба ҳайати шахсии Шӯъбачаи минтақавии милитсияи Даштиҷуми ШВКД дар ноҳияи Шамсиддин Шоҳин ҷиҳати пурзӯр намудани мубориза бо ҷинояткорӣ, пешгирии муомилоти ғайриқонунии маводи мухаддир, таъмини амният ва ҳифзи тартиботи ҷамъиятӣ як қатор дастуру супоришҳо дода, зикр кард, ки бо аҳолӣ робитаи қавӣ ва ҳамкории зич дошта бошанд.
Гул Маҳбуба, подполковники милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика