Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Шарҳи тағйиру иловаҳо ба «Кодекси ҳуқуқвайронкунии маъмурии Ҷумҳурии Тоҷикистон» ва «Кодекси ҷиноятии Ҷумҳурии Тоҷикистон»

Имрӯз (08.09.с.2017), дар толори маҷлисгоҳи Вазорати корҳои дохилӣ вохӯрии сардори Раёсати нозиротӣ-ташкилии Вазорати корҳои дохилӣ генерал-майори милитсия Раҳимзода Абдураҳим Абдураҳмон бо ҳайати шахсии Дастгоҳи марказии ВКД ва собиқадорони мақомоти корҳои дохилӣ ҷиҳати шарҳ додани тағйиру иловаҳо ба «Кодекси ҳуқуқвайронкунии маъмурии Ҷумҳурии Тоҷикистон» ва «Кодекси ҷиноятии Ҷумҳурии Тоҷикистон» баргузор гардид.

Сардори Раёсати нозиротӣ-ташкилии Вазорати корҳои дохилӣ генерал-майори милитсия Раҳимзода А.А. моҳият ва муҳтавои тағйиру иловаҳо ба «Кодекси ҳуқуқвайронкунии маъмурии Ҷумҳурии Тоҷикистон» ва «Кодекси ҷиноятии Ҷумҳурии Тоҷикистон»-ро ба ҳайати шахсии мақомоти корҳои дохилӣ муфассал шарҳ дода, зикр кард, ки 11 июли соли равон, ба муносибати 10 солагии қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», дар мулоқот бо фаъолон ва шахсони мансабдори давлатӣ Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи зарурият ва сабабҳои қабули қонуни мазкур ва паҳлуҳои манфиатовари он дар тӯли ин муддат баромад карданд.
Сарвари давлат дар бораи пурзӯр намудани ҷавобгарии маъмурӣ ва ҷиноятӣ нисбати ҳуқуқвайронкунандагон, алалхусус шахсони мансабдор ва хизматчиёни давлатӣ барои таъмини адолат, риояи бечунучарои қонунгузорӣ, амният ва ҳифзи ҳаёту саломатии шаҳрвандон, инчунин манфиатҳои аҳолии мамлакат ибрози назар намуда, таъкид карданд, ки қонуни мазкур барои ҳифзи арзишҳои фарҳанги миллӣ асос гузошт, суннатҳои диниву мардумиро ба танзим даровард, анъана ва маросиму ҷашнҳои миллиро мушаххасу дақиқ намуд, пеши роҳи хурофоту таассуб, худнамоиву зоҳирпарастӣ ва исрофкориву зиёдаравиро гирифт ва ба ҷорӣ гардидани низому тартиботи ягонаи баргузории чорабиниҳои милливу мардумӣ роҳ кушод.

Бояд қайд намуд, ки қаблан лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», ба муҳокимаи умум гузошта шуда, шаҳрвандон андеша ва пешниҳоди худро тавассути воситаҳои ахбори омма манзур карда буданд.
Аз ин лиҳҳоз бо пешниҳоди Сарвари давлат зарурати ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», пеш омад, зеро дар ҳаёти рӯзмарра масъалаҳои ҳалталабе пеш омаданд, ки ислоҳи онҳо ногузир мебошад.
Мақсади қонуни мазкур аз ҳимояи манфиатҳои иҷтимоии мардуми Тоҷикистон, мусоидат барои паст кардани сатҳи камбизоатӣ ва гирифтани пеши роҳи хароҷоти зиёдатӣ, ки ба манфиатҳои иқтисодӣ ва фазои маънавии ҳаёти шаҳрвандон зарари ҷиддӣ ворид менамоянд, иборат аст. Қонун ҳамчунин барои таъмини ҳуқуқу озодиҳои шаҳрвандон ва тартиботи ҷамъиятӣ равона карда шудааст.
Дар идомаи вохӯрӣ сардори Раёсати нозиротӣ-ташкилии Вазорати корҳои дохилӣ генерал-майори милитсия Раҳимзода Абдураҳим Абдураҳмон тағйиру иловаҳои воридгардидаро ба «Кодекси ҳуқуқвайронкунии маъмурии Ҷумҳурии Тоҷикистон» ва «Кодекси ҷиноятии Ҷумҳурии Тоҷикистон» эзоҳ дода, ба таври мукаммал ва возеҳу равшан ба самъи кормандони милитсия расонид.

Дар хотимаи чорабинӣ муовини Вазири корҳои дохилӣ генерал-майори милитсия Умарзода Икром Ислом аз номи роҳбарияти Вазорати корҳои дохилӣ тамоми ҳайати шахсӣ ва собиқадорони мақомоти корҳои дохилиро бахшида ба фарорасии Рӯзи Истиқлолияти давлатии Тоҷикистон шодбош гуфта, ба як қатор собиқадорони соҳа тӯҳфаҳои пуливу молӣ тақдим намуд.
Гул Маҳбуба, подполковники милитсия.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика