Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Форуми ҷумҳуриявии ҷавонон дар вилояти Суғд

 

Аз 3 то 6 август дар вилояти Суғд бо ибтикори Кумитаи кор бо ҷавонон ва варзиш дар якҷоягӣ бо Вазорати корҳои дохилӣ ва мақомоти иҷроияи ҳокимияти давлатии вилояти Суғд, таҳти сарпарастии президенти Федератсияи футболи Тоҷикистон Рустами Эмомалӣ Форуми ҷумҳуриявии ҷавонон, таҳти унвони “Ҷавонон - пайрави Пешвои миллат” баргузор гардид.

Субҳи рӯзи 3 август меҳмононро ҷавонон ва сокинони ноҳияи Айнӣ дар назди Қасри фарҳанги ноҳия сазовор пешвоз гирифтанд. Намояндагони вазорату идораҳоро инчунин дар шаҳри Истаравшан хуш қабул намуданд. Сипас, ҷавонон ба ноҳияи Ҷаббор Расулов ба истироҳатгоҳи “20-солагии Истиқлолият” раҳсипор шуданд.
Дар ин доира, дар асоси супоришҳои Ҳукумати мамлакат бо ташаббуси Вазорати корҳои дохилӣ дар шаҳри Исфара дар мавзӯи матраҳгардида мизи мудаввар доир гардид.
Дар он намояндагони масъул ва ҷавонону фаъолони ноҳия ширкат варзиданд. Нахуст меҳмононро раиси ноҳия пешвоз гирифт ва мавсуф ҳамчунин дар мизи мудаввар иштирок ва суханронӣ кард.
Дар он аз он ҷумла сардори бахши Хадамоти пешгирии ҳуқуқвайронкунӣ байни ноболиғон ва ҷавонони РВКД дар вилояти Суғд подполковники милитсия Баҳром Сайидзода ва дигар намояндагони мақомоти корҳои дохилӣ суханронӣ карданд.
Санаи 4-уми август бошад, дар бинои Қасри фарҳанги ноҳияи Ҷаббор Расулов Форуми аввалини ҷумҳуриявии намояндагони ҷавони вазорату идораҳо ва ташкилоту муассисаҳо таҳти унвони “Ҷавонон - пайрави Пешвои миллат” бахшида ба “Соли ҷавонон” бо баргузории ҷаласаи васеъ ба кори худ шурўъ намуд.

Дар баргузории он раиси ноҳияи Ҷаббор Расулов Комилҷон Салимзода, кормандони мақомоти корҳои дохилӣ ва намояндогони масъул, инчунин ҷавонону фаъолони ноҳия ширкат варзиданд.
Раиси ноҳия зимни сухани ифтитоҳии худ қайд намуд, ки маҳз дар замони Истиқлолият баҳри беҳбудии ҷавонон нақшаҳои ҳадафманд амалӣ гардиданд.
Инчунин, дар рафти Форуми мазкур сардори раёсати кор бо ҷавонони кумита ҳозиринро ба “Соли ҷавонон” шодбош гуфта, нерўи зеҳнию ҷисмонии ҷавононро дар ҳама давру замон яке аз омилҳои муҳими инкишофи давлат ва пешбурди ҷомеа донист.
Иштирокчиён дар охир аз Боғи фарҳангӣ-фароғатии Камоли Хуҷандӣ ва Кохи таърихии «Қасри Арбоб» дидан намуданд.
Лозим ба ёдоварист, ки дар Форуми мазкур 150 нафар ҷавонон аз тамоми вазорату идораҳо ва ташкилоту муассисаҳои кишвар иштирок намуданд.
Ҳамзамон, дар рўзҳои баргузории он чорабиниҳои фарҳангӣ-фароғатӣ, мулоқоту вохўриҳои сатҳи баланд, аксияҳо ва саёҳати иштирокчиён ба мавзеъҳои таърихию сайёҳии вилояти Суғд ва мусобиқаҳои варзишӣ доир гашт.
Абдулло ШОЕВ, нозири калони гурўҳи матбуотии ХПҲНҶ ВКД, капитани милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Паёми имсолаи Президент дар бораи самтҳои асосии сиёсати дохилӣ ва хориҷии мамлакат баъди ҷашни чорякасраи истиқлолияти давлатии Тоҷикистон, яъне дар даврае пешниҳод мегардад, ки кишвари азизи мо ба марҳалаи нави рушд ворид гардида, мардуми шарифи Тоҷикистон ба сӯи ояндаи ободу осуда бо қадамҳои устувор пеш меравад.Дар зарфи бисту панҷ сол мо ба шарофати заҳмати софдилонаи халқамон дар роҳи таъмин намудани рушди сиёсиву иқтисодӣ ва иҷтимоиву фарҳангии кишвар ба натиҷаҳои назаррас ноил гардидем.Мо ҳамаи ин корҳоро ба хотири таҳкими пояҳои истиқлолияти давлатиамон анҷом додем.Зеро озодиву истиқлолият бароямон дастоварди бузургтарин ва ғояи муқаддаси миллӣ буда, мо бо вуҷуди мушкилоти ҷойдошта барои ҳимоя ва пойдору устувор мондани он минбаъд низ тамоми саъю талоши худро равона ....>>>

Барномаи ислоҳоти милитсия


Барномаи ислоҳоти (рушди) милитсия барои солҳои 2014-2020 (минбаъд - Барнома) ҳуҷҷати асосии барномавии миёнамўҳлат буда, мақсадҳои стратегӣ, вазифа ва самтҳои асосии ислоҳоти (рушди) милитсияро муайян менамояд. Барнома дар асоси моддаи 7 Қонуни Ҷумҳурии Тоҷикистон   Муфассал >>>

Низомномаи Шӯрои ҷамъиятӣ

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин
  Муфассал >>>

Стратегия


Стратегияи ислоҳоти милитсия барои солҳои 2013 - 2020 (минбаъд - Стратегия) ба меъёрҳои Конститутсияи (Сарқонуни) Ҷумҳурии Тоҷикистон асос ёфта, ҳадафҳо, афзалият ва тадбирҳоро оид ба ислоҳот ва рушди милитсия муайян намуда, амалҳоеро, ки Ҳукумати Муфассал >>>

Кодекси одоби касбии корманди милитсия


Кодекси одоби касбии корманди милитсия ин маҷмӯи қоидаҳои рафтори корманди милитсия мебошад, ки бо мақсади муқаррар намудани қоидаҳои рафтори хизматӣ ва ғайрихизматии корманди милитсия (минбаъд корманд), мусоидат намудан, ҷиҳати баланд  Муфассал >>>

Кодекси одоби касбии корманди милитсия ин маҷмӯи қоидаҳои рафтори корманди милитсия мебошад, ки бо мақсади муқаррар намудани қоидаҳои рафтори хизматӣ ва ғайрихизматии корманди милитсия (минбаъд корманд), мусоидат намудан, ҷиҳати баланд бардоштани обрӯ ва эътибори корманд, боварии шаҳрвандон ба мақомоти корҳои дохилии Ҷумҳурии Тоҷикистон ва таъмини меъёрҳои ягонаи рафтори корманд қабул карда шудааст

Қонуни Ҷумҳурии Тоҷикистон «Дар бораи политсия»

Лоиҳаи Қонуни Ҷумҳурии Тоҷикистон «Дар бораи политсия» аз ҷониби Гурӯҳи кории дохилиидоравӣ бо ҷалби коршиносони дохиливу хориҷӣ, ҷомеаи шаҳрвандӣ, ҳизбҳои сиёсӣ, олимони соҳаи ҳуқуқ ва кормандони амалии  Муфассал >>>

Кофтуков


© 2017 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад