Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ифтитоҳи майдончаҳои варзишӣ дар пойтахт

Тибқи дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар заминаи татбиқи барномаҳои ободониву созандагӣ ва зебо гардонидани симои шаҳри Душанбе, як қатор чорабиниҳои мақсаднок амалӣ гардида истодаанд.

Дар ин замина бо дастгирии бевоситаи Вазири корҳои дохилӣ генерал-лейтенанти милитсия Раҳимзода Рамазон Ҳамро дар маҳаллаҳои 33-юм ва Зарафшони ноҳияи Синои шаҳри Душанбе, майдончаҳои варзишию солимгардонӣ сохта ба истифода дода шуданд.

Имрӯз ифтитоҳи расмии майдончаҳои мазкур бо иштироки муовини Вазири корҳои дохилӣ генерал-майори милитсия Умарзода Икром Ислом, муовини Раиси шаҳри Душанбе Муинӣ Мавсума, Раиси ноҳияи Сино Нусратулло Салимзода, сардори СХДО ВКД генерал-майори хизмати дохилӣ Иброҳимзода Нозимҷон ва доираи васеъи меҳмонону сокинони маҳаллаҳои номбурда доир гардид.
Айвону нишастгоҳҳои замонавӣ барои сокинон, майдончаҳои бозии футбол, волейбол ва баксетбол баҳри ҷавонону наврасон ва таҷҳизоти гуногуни дилхушкунанда баҳри кӯдакон аз қисматҳои асосии ин майдончаҳои солимгардонӣ мебошанд.
Ба миқдори зарурӣ сабзазор намудани атрофи иншоотҳо, шинонидани гулу дарахтони ороишӣ дар канори онҳо ва бунёди роҳравҳои васеъ ин маҳаллаҳоро боз ҳам ободу зебо гардонида, ин тадбир рӯхияи сокинони пойтахтро боз ҳам болида мегардонад.

Кормандони Вазорати корҳои дохилӣ ва зерсохторҳои он ҳамеша кӯшиш ба харҷ медиҳанд, ки дар амалҳои наҷибу созанда баҳри шукуфоию зебоӣ ва бунёди иншоотҳои варзишию истироҳатӣ дар шаҳраку маҳалаҳои пойтахт саҳми назаррас гузоранд.
Толиб Ҳаётов, Кароматулло Абдуллоев, СХДО ВКД 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun1

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика