Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Оғози сафари хизматии Вазири корҳои дохилӣ ба вилояти Суғд

Имрӯз (12.07.с.2017), дар асоси дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Вазири корҳои дохилии Ҷумҳурии Тоҷикистон генерал-лейтенанти милитсия Раҳимзода Рамазон Ҳамро бо мақсади шиносоӣ аз рафти корҳои ободониву созандагӣ, мавриди истифода қарор додани бинову иншоотҳои навбунёди мақомот, боздид аз рафти ҷамъоварии ҳосил дар хоҷагиҳои ёрирасони РВКД дар вилояти Суғд ва мулоқот бо масъулини мақомоти милитсияи вилоят доир ба омодагиҳо ба мавсими тирамоҳу зимистонгузаронии солҳои 2017-2018 ба вилояти Суғд сафари корӣ доир намуд. 

Дар доираи сафари корӣ Вазири корҳои дохили Ҷумҳурии Тоҷикистон генерал-лейтенанти милитсия Раҳимзода Рамазон Ҳамро ба Раёсати ВКД дар вилояти Суғд ташриф оварда, барои бунёди хобгоҳи замонавӣ ба кормандони Дастаи таъиноти махсуси милитсия бо навиштани нома ба наслҳои оянда санги асос гузошт. Ҳамчунин Вазири корҳои дохилӣ зимни шиносоӣ бо лоиҳаи иншооти навсохтмон ба роҳбарияти мақомоти корҳои дохилии вилоят ва ширкати сохтмонӣ ҷиҳати бо сифати баланд анҷом додани корҳои сохтмонӣ дастурҳои иловагӣ дод.

Мавриди зикр аст, ки фармоишгари иншооти сохташаванда Идораи сохтмони асосии вилояти Суғд буда, пудратчии лоиҳа ҶДММ «Рахшонсоз» мебошад.

Тибқи иттилои масъулини ширкати сохтмонӣ бинои мазкур дар арафаи ҷашни «26-солагии Истиқлолияти давлатии Ҷумҳурии Тоҷикистон» мавриди истифода қарор дода мешавад.
Мухсин Юсупов, лейтенанти калони милитсия 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun1

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика